فوتو: instagram.com/akmalsvami/
تۇتىنۋشىلار بيلەتتەردى eventticket.kz ەلەكتروندى سەرۆيسى ارقىلى ساتىپ العان, بۇل ەلەكتروندى تۇردە اقىلى قىزمەت كورسەتۋ شارتىنىڭ جاسالعانىن راستايدى. الايدا كونتسەرت بەلگىلەنگەن كۇنى وتكىزىلمەي, ۇيىمداستىرۋشى تۇتىنۋشىلارعا بيلەت قاراجاتىن قايتارماعان.
وتىنىشتەردى قاراۋ قورىتىندىسى بويىنشا دەپارتامەنت تۇتىنۋشىلاردىڭ قۇقىقتارىن قورعاۋ تۋرالى زاڭناما تالاپتارىنىڭ بۇزىلعانىن انىقتادى. وسىعان بايلانىستى ۇيىمداستىرۋشى – جەكە كاسىپكەرگە بارلىق زارداپ شەككەن تۇتىنۋشىلارعا بيلەت قۇنىن تولىق كولەمدە قايتارۋ تۋرالى رەسمي حابارلاما جولداندى. ۇيىمداستىرۋشى تۇتىنۋشىلارعا 6 ميلليون تەڭگەدەن استام قاراجات قايتارۋى ءتيىس.
«ەگەر قاراجاتتى قايتارۋ تۋرالى تالاپ ورىندالماعان جاعدايدا, دەپارتامەنت قازاقستان رەسپۋبليكاسىنىڭ «تۇتىنۋشىلاردىڭ قۇقىقتارىن قورعاۋ تۋرالى» زاڭىنىڭ 5-بابى 8-تارماعىنا سايكەس, ساتىپ الىنعان بيلەتتەردىڭ اقشاسىن قايتارۋ ماسەلەسى بويىنشا سوتقا جۇگىنەدى», دەدى سولتۇستىك قازاقستان وبلىسى بويىنشا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتىنىڭ باسشىسى قانات جەڭىسبەك ۇلى.
دەپارتامەنت جاعدايدى باقىلاۋدا ۇستايدى جانە تۇتىنۋشىلاردى ءوز قۇقىقتارى بۇزىلعان جاعدايدا جەدەل تۇردە حابارلاسۋعا شاقىرادى.
