فوتو: gov.kz
«قايتىس بولعاننان كەيىنگى دونورلاردان جاسالعان ترانسپلانتاتتاۋ سانى وتكەن جىلمەن سالىستىرعاندا 2,6 ەسەگە ارتتى, ال بيىلعى دونورلاردىڭ سانى 10 ايدىڭ قورىتىندىسى بويىنشا ەكى ەسەگە (6-دان 16-عا دەيىن) ارتتى. eGov.kz سايتىنداعى ازاماتتاردىڭ جالپى ەرىكتى نيەت ءبىلدىرۋ كورسەتكىشى 27%-عا ءوستى, ال كەلىسىم ۇلەسى 63%-عا جەتتى», دەدى رەسپۋبليكالىق ترانسپلانتاتتاۋدى جانە جوعارى تەحنولوگيالىق مەديتسينالىق قىزمەتتەردى ۇيلەستىرۋ ورتالىعىنىڭ باسشىسى ايدار سەيىتقازينوۆ.
2024 جىلمەن سالىستىرعاندا قايتىس بولعاننان كەيىنگى دونورلاردان جاسالاتىن ترانسپلانتاتتاۋلار سانى ەكى ەسەگە كوبەيدى, ءتىرى دونورلاردان جاسالاتىن وپەراتسيالار سانى 2,5%-عا ارتتى.
وپەراتسيالىق بەلسەندىلىكتىڭ وسىمىنە ينفراقۇرىلىمنىڭ كەڭەيۋى ىقپال ەتتى. ەلدە بىلتىرعى 7 ورتالىقتىڭ ورنىنا بۇگىندە 11 ترانسپلانتاتتاۋ ورتالىعى جۇمىس ىستەيدى.
بۇگىندە 4521 قازاقستان ازاماتتارى اعزا اۋىستىرۋدى كۇتىپ كەلەدى, كۇتۋ پاراعىنداعى پاتسيەنتتەردىڭ اراسىنداعى ءولىم 4,6%-عا تومەندەدى.
سونداي-اق دونورلىق بەلسەندىلىكتىڭ ەڭ جوعارى كورسەتكىشى الماتى مەن استانا قالالارىندا, پاۆلودار, شىعىس قازاقستان, سولتۇستىك قازاقستان, الماتى, جامبىل جانە باتىس قازاقستان وبلىستارىندا بايقالدى.
ايتا كەتەيىك, الماتىدا قايتىس بولعان دونور 4 ادامنىڭ ءومىرىن ساقتاپ قالعان ەدى.
