فوتو: اشىق دەرەككوز
تەرگەۋ دەرەكتەرىنە سايكەس, «قازىعۇرت اۋداندىق ورتالىق اۋرۋحاناسىنىڭ» بۇرىنعى باس دارىگەرى ساتىپ الۋ راسىمدەرىن جاساندى تۇردە ءبولىپ, ولاردى كوپتەگەن كەلىسىمشارتتار ارقىلى راسىمدەۋ سحەماسىن ۇيىمداستىرعان.
«سحەمانى جۇزەگە اسىرۋ ءۇشىن ول مەديتسينالىق جابدىقتاردى جەتكىزۋ سالاسىندا تاجىريبەسى بار تانىسىن تارتقان. ول وزىنە باعىنىستى, تۋىستارى مەن تانىستارىنىڭ اتىنا تىركەلگەن كوممەرتسيالىق ۇيىمداردى پايدالانعان. وسى كومپانيالاردىڭ اتىنان ادەيى اسىرا كورسەتىلگەن كوممەرتسيالىق ۇسىنىستار دايىندالعان», دەلىنگەن حابارلامادا.
شىن مانىندە جابدىقتى باسقا ۇيىم جەتكىزگەنىمەن, قابىلداۋ اكتىلەرى بۇرىنعى باس دارىگەردىڭ ىقپالىنداعى كومپانيالار ارقىلى جاسالعان. اۋرۋحانادان قاراجات تۇسكەن سوڭ كۇدىكتىلەر اقشانى قولما-قول شىعارىپ, ءوزارا ءبولىسىپ وتىرعان.
«مەملەكەتكە كەلتىرىلگەن جالپى شىعىن 115 ملن تەڭگەنى قۇرادى. قىلمىستىق جولمەن الىنعان تابىسقا كۇدىكتى ەلوردادان ەكى بولمەلى پاتەر ساتىپ العان, وعان سوت سانكتسياسىمەن تىيىم سالىندى», دەپ حابارلادى قارجىلىق مونيتورينگ اگەنتتىگى.
قازىرگى تاڭدا بۇرىنعى باس دارىگەرگە قاتىستى بۇلتارتپاۋ شاراسى رەتىندە كەپىل قولدانىلعان, ال ونىڭ سىبايلاسى ۇيقاماققا الىنعان.
