فوتو: polisia.kz
تەكسەرىس بارىسىندا جۇرگىزۋشىنىڭ ساقتاندىرۋ ءپوليسى جوق ەكەنى بەلگىلى بولدى.
سونىمەن قاتار ونىڭ مىنەز-قۇلقى ينسپەكتورلارعا كۇمان تۋدىردى, سوندىقتان ول مەديتسينالىق ساراپتاماعا جىبەرىلدى. مەديتسينالىق قورىتىندىعا سايكەس, ەر ادامنىڭ ەسىرتكىلىك ماس كۇيىندە بولعانى انىقتالدى.
جۇرگىزۋشىگە قاتىستى اكىمشىلىك ءىس-قۇجاتتار تولتىرىلىپ, سوتقا جولداندى. اۆتوكولىك ارنايى ايىپتۇراعىنا قويىلىپ, جۇرگىزۋشى كولىك باسقارۋ قۇقىعىنان شەتتەتىلدى.
«ماس كۇيدە كولىك جۇرگىزۋ – جول قاۋىپسىزدىگىنە تونەتىن ەڭ اۋىر قاتەردىڭ ءبىرى. مۇنداي ءاربىر جۇرگىزۋشى اينالاسىنداعىلاردىڭ ءومىرى مەن دەنساۋلىعىنا ناقتى قاۋىپ توندىرەدى. ءبىزدىڭ قىزمەتكەرلەر كۇن سايىن كولىكتى ماس كۇيىندە باسقارۋ دەرەكتەرىن انىقتايدى جانە ءار جاعدايدا دا قاتاڭ شارا قولدانادى. «قاۋىپتى جۇرگىزۋشى» سەكىلدى پروفيلاكتيكالىق ءىس-شارالار – قايعىلى وقيعالاردىڭ الدىن الۋعا باعىتتالعان. بارلىق جۇرگىزۋشىلەردى جاۋاپكەرشىلىك تانىتۋعا شاقىرامىز. ويتكەنى رولگە ماس كۇيىندە وتىرعان ادام تەك ءوز ءومىرىن عانا ەمەس, وزگەلەردىڭ دە ءومىرىن قاتەرگە تىگەدى», دەپ اتاپ ءوتتى الماتى قالاسى پوليتسيا دەپارتامەنتىنىڭ اكىمشىلىك پوليتسيا باسقارماسىنىڭ باستىعى سەرىك شۋماەۆ.
