فوتو: اشىق دەرەككوز
سىبايلاس جەمقورلىققا قارسى كومپلاەنس – ۇيىم ىشىندە تاۋەكەلدەردى الدىن الۋ مەن باسقارۋدىڭ ماڭىزدى قۇرالى. ول قىزمەتكەرلەردىڭ ارەكەتتەرىن زاڭ اياسىندا رەتتەپ قانا قويماي, ۇيىمنىڭ بەدەلىن ساقتاۋعا مۇمكىندىك بەرەدى. سپيكەردىڭ ايتۋىنشا, كەز كەلگەن قىزمەتكەر ءوز ارەكەتىندە مۇددەلەر قاقتىعىسى مەن سىبايلاس جەمقورلىققا بايلانىستى زاڭداردى بىلۋگە مىندەتتى.
«سىبايلاس جەمقورلىققا قارسى ءىس-قيمىل ەڭ ءبىرىنشى كەزەكتە ۇيىم مادەنيەتى مەن قىزمەتكەرلەردىڭ ادالدىعىن ساقتاۋدىڭ كەپىلى. كەز كەلگەن فاكتىنىڭ الدىن الماسا, تەك زاڭ بۇزۋ عانا ەمەس, ۇيىم بەدەلىنە نۇقسان كەلتىرەدى. سوندىقتان بارلىق ىشكى پروتسەستەر, ساتىپ الۋ, كادر جانە باسقارۋ قىزمەتتەرى ءتيىستى كومپلاەنس ستاندارتتارىنا ساي جۇرگىزىلۋى كەرەك», دەيدى ەرسىل جاردەموۆ.
سەمينار بارىسىندا سپيكەر تيپتىك بازالىق باعىت (تبن-4) جانە ۇيىمداردا ىشكى سىبايلاس جەمقورلىق تاۋەكەلدەرىن تالداۋ پروتسەدۋراسىن ەگجەي-تەگجەيلى ءتۇسىندىردى. ونىڭ ايتۋىنشا, ىشكى تالداۋ ۇيىمنىڭ ءالسىز جانە كۇشتى تۇستارىن ايقىنداپ, ىقتيمال تاۋەكەلدەردى انىقتاۋعا مۇمكىندىك بەرەدى. تەك تاۋەكەلدەردى ەلەمەۋ جاعدايىندا عانا كوررۋپتسيا فاكتىلەرى پايدا بولادى.
«ىشكى تالداۋ جىل سايىن جۇرگىزىلۋى ءتيىس. قۇجاتتار مەن پروتسەستەردى تەكسەرۋ ارقىلى مۇددەلەر قاقتىعىسى, ساتىپ الۋ ءتارتىبى, كادرلىق شەشىمدەر مەن باسقارۋشىلىق ارەكەتتەردەگى كەمشىلىكتەر انىقتالادى. ەگەر ءبارى ءتارتىپ بويىنشا ورىندالسا, سىبايلاس جەمقورلىق قاۋپى ايتارلىقتاي تومەندەيدى», دەدى سپيكەر.
مۇددەلەر قاقتىعىسى – سىبايلاس جەمقورلىققا تىكەلەي ىقپال ەتەتىن نەگىزگى فاكتورلاردىڭ ءبىرى. جاردەموۆتىڭ ايتۋىنشا, بۇل تەك تۋىستىق قاتىناستارعا عانا قاتىستى ەمەس, قىزمەتكەردىڭ وزىنە قاتىستى كومپانيامەن مامىلە جاساۋى نەمەسە ۇيىم ىشىندە شەشىم قابىلداۋ كەزىندە جەكە قىزىعۋشىلىققا بوي الدىرۋى دا قاقتىعىس بولىپ سانالادى.
سونداي-اق سپيكەر جاڭا دەكلاراتسيا تۇرلەرى مەن زاڭنامالىق وزگەرىستەردى ءتۇسىندىردى. قازىر باسشىلار مەن ولاردىڭ ورىنباسارلارى ءۇشىن ەنگىزىلگەن دەكلاراتسيالار ۇيىمنىڭ رەسمي سايتىندا اشىق جاريالانۋى ءتيىس. بۇل باسشىلاردىڭ ارەكەتتەرىن قوعامدىق باقىلاۋعا الىپ, ۇيىمنىڭ قارجىلىق جانە باسقارۋشىلىق شەشىمدەرىن ءمولدىر ەتەدى.
«بارلىق ۇيىمدار مەن قىزمەتكەرلەر مۇددەلەر قاقتىعىسى مەن سىبايلاس جەمقورلىق تاۋەكەلدەرىن دۇرىس باعالاپ, كومپلاەنس تالاپتارىن ورىنداۋى قاجەت. بۇل ۇيىمنىڭ بەدەلىن ساقتاپ قانا قويماي, قوعام الدىنداعى سەنىمگە دە نۇقسان كەلتىرمەيدى», دەپ قورىتىندىلادى ەراسىل جاردەموۆ.
سەمينار سوڭىندا قاتىسۋشىلار تاجىريبەلىك كەڭەستەر مەن باعىتتار بويىنشا پىكىر الماستى. ءىس-شارا كومپلاەنس سالاسىندا ناقتى شارالاردى ەنگىزۋ مەن ۇيىم مادەنيەتىن كۇشەيتۋگە باعىتتالعان ماڭىزدى قادام بولدى.
