الماتى مەكتەپتەرىندە جاڭا جىلدىق ءىس-شارالار وتپەۋى مۇمكىن بە؟

اسەل قالىقوۆانىڭ ايتۋىنشا, ىندەتتىڭ ءورشۋ كەزەڭىندە كوپشىلىك ءىس-شارالاردى شەكتەۋ ۇسىنىلادى. الايدا, قازىرگى ۋاقىتتا تولىق تىيىم سالۋ قاراستىرىلمايدى, ويتكەنى سوڭعى اپتاداعى جرۆي كورسەتكىشى الدىڭعى اپتامەن سالىستىرعاندا 1,5 ەسەدەن كوپ ارتپاعان.

«جالپى, كوپشىلىك جينالاتىن شارالاردى بارىنشا شەكتەۋ, ياعني مەرەكەلەردى باسقا فورماتتا وتكىزۋ, قاجەت. بۇل بالالاردىڭ جاپپاي جينالۋىن بولدىرماۋعا مۇمكىندىك بەرەدى», دەدى قالىكوۆا.

ول سونىمەن قاتار, ءىس-شارالاردان بۇرىن بالالاردى مىندەتتى تۇردە مەديتسينالىق تەسەرىستەن وتكىزۋ كەرەكتىگىن اتاپ ءوتتى. ياعني, كىمنىڭ ساباققا كەلمەگەنىن, قانداي سەبەپتەرمەن جوق بولعانىن انىقتاۋ ارقىلى مەرەكەلىك شارالارعا ناۋقاس نەمەسە جرۆي بەلگىلەرى بار بالالاردىڭ قاتىسۋىن بولدىرماۋعا بولادى.

قالىقوۆانىڭ سوزىنشە, الماتىداعى مەكتەپتەر مەن بالاباقشالار ءالى دە شتاتتىق رەجيمدە جۇمىس ىستەيدى. قاشىقتان وقۋعا اۋىسۋ ازىرگە قاراستىرىلماعان, سەبەبى ناۋقاس بالالاردىڭ سانى 30%-دان اسپايدى.

ايتا كەتەيىك, قىركۇيەكتەن قاراشانىڭ باسىنا دەيىن بالالار اراسىنداعى جرۆي كورسەتكىشى 59,1%-دى قۇراپ, 102 575 جاعداي تىركەلدى. ونىڭ ىشىندە 108 بالا پنەۆمونيامەن اۋرۋحاناعا جاتقىزىلدى.

سوڭعى اپتادا قالا بويىنشا 178 مەكتەپتەن 1930 جرۆي جاعدايى تىركەلىپ, كەيبىر مەكتەپتەردە وقۋشىلار اراسىنداعى ناۋقاستانۋ دەڭگەيى 10%-عا جەتكەن.