«مەن ارقاشان تازا سپورتتى قولدايمىن. مۇنى جاقسى بىلەسىزدەر. مەن تازا سپورتتى ناسيحاتتاپ جۇرگەنىمدى دە بىلەسىزدەر. جاڭالىقتى وقىپ تاڭ قالىپ وتىرمىن. VADA ءبىرىنشى رەت اناليز الىپ ءبارى تازا دەپ ەدى. مەن ۆيتاميندەرىمە دە تاماعىما دا ەشقانداي وزگەرىس ەنگىزبەدىم. ەكىنشى رەت تەستتە نەگە مۇنداي بولعانىن تۇسىنبەي وتىرمىن, ءبىز قايتا اناليز تاپسىرۋعا ءوتىنىش ايتتىق. جاۋابىن كۇتىپ وتىرمىز!», دەپ جازدى جانىبەك ءالىمحان ۇلى.
BoxingScene تاراتقان مالىمەت بويىنشا, بوكسشىنىڭ سىناماسىنان مەلدوني انىقتالعانى ايتىلدى.
بۇعان دەيىن WBO جانە IBF تۇجىرىمدارى بويىنشا ورتا سالماقتاعى الەم چەمپيونى جانىبەك ءالىمحان ۇلىنىڭ كەزەكتى جەكپە-جەگى الدىنداعى دوپينگ تەستىنەن وتپەي قالعانىن جازعان ەدىك.
ەستەرىڭىزگە سالا كەتەيىك, 6 جەلتوقسان كۇنى جانىبەك ءالىمحان ۇلى ءۇش بەلبەۋ ءۇشىن كۋبالىق ەريسلاندي لاراعا قارسى جەكپە-جەك وتكىزۋى ءتيىس بولعان ەدى.
