فوتو: primeminister.kz
اتالعان وبلىستا 7,6 ملن توننادان استام استىق باستىرىلعان. وتاندىق سەلەكتسياداعى «اقمولا-2», «استانا-2» جانە «اينا» تۇقىمدارى قولدانىلعان شارۋاشىلىقتاردا ورتاشا ونىمدىلىك گەكتارىنا 30 تسەنتنەردەن اسقان. ال «ماكسيموۆسكوە» جشس-دە ونىمدىلىك گەكتارىنا 41,2 تسەنتنەرگە جەتكەن.
شارۋالار مۇنداي جوعارى كورسەتكىشكە مينەرالدى تىڭايتقىشتاردى, ەليتالىق تۇقىمداردى جانە وسىمدىكتى قورعاۋ قۇرالدارىن ءتيىمدى قولدانۋ ارقىلى قول جەتكىزىپ وتىر.
اقمولا وبلىسى ەگىس القاپتارىن ءارتاراپتاندىرۋ بويىنشا دا كوشباسشىلار قاتارىنان كورىنگەن. بيىل مايلى داقىلدار القابى بىلتىرعى كورسەتكىشتەن 2,5 ەسەگە اسىپ ءتۇسىپ, 500 مىڭ گەكتارعا جەتكەن.
بۇدان بولەك, جىل باسىنان بەرى وبلىستا 1 ترلن تەڭگەنىڭ اۋىل شارۋاشىلىعى ءونىمى وندىرىلگەن.
وڭىردە اۋىل شارۋاشىلىعى ونىمدەرىنىڭ تەرەڭ وڭدەۋ ۇلەسىن ارتتىرۋ ماقساتىندا حالىقارالىق كومپانيالارمەن سەرىكتەستىك ورناتىلعان.
قازان ايىندا شورتاندى اۋدانىندا تاعى ءبىر استىقتى تەرەڭ وڭدەۋ كەشەنىن سالۋ جونىندە Hopefull Grain كومپانياسىمەن ستراتەگيالىق كەلىسىمگە قول قويىلعان. ينۆەستيتسيا كولەمى 1,5 ميلليارد دوللاردى قۇرايدى.
سونداي-اق ەسىل اۋدانىندا بيدايدى وڭدەۋ جانە جەم ءوندىرۋ زاۋىتتارىن, ەلەۆاتور مەن قۇراما جەم زاۋىتىن سالۋ جوسپارلانىپ وتىر.
