«تەگىن مەديتسينالىق كومەكتىڭ كەپىلدەندىرىلگەن كولەمى (تمككك) جانە ءمامس جۇيەسى شەڭبەرىندە ساتىپ الىناتىن دارىلىك زاتتاردى ءوندىرۋ كەزىندە پايدالانىلاتىن يمپورتتالاتىن سۋبستانتسيا مەن شيكىزاتتى ققس-تان بوساتۋ جونىندەگى ۇكىمەت قاۋلىسىنىڭ جوباسى ازىرلەندى», دەپ اتاپ ءوتتى دسم ءمينيسترى اقمارال ءالنازاروۆا.سونىمەن قاتار ۆەدومستۆو اۋرۋحانالاردا وتاندىق تاۋارلاردىڭ ساتىپ الۋ ۇلەسىن ۇلعايتۋعا نيەتتى. ەگەر, مىسالى, بىرىڭعاي ديستريبيۋتوردا ول 30%-عا جەتسە, مەديتسينالىق ۇيىمداردا دەربەس ساتىپ الۋ تەك 10%-دى قۇرايدى. قابىلدانىپ جاتقان شارالار سالادا بار سەرپىندى كۇشەيتۋگە ارنالعان.
بۇگىندە ەلىمىزدە 200-دەن استام تاۋار ءوندىرۋشى تىركەلگەن. 10 ايدىڭ قورىتىندىسى بويىنشا ولاردىڭ ونىمدىلىگى 11,7%-عا ءوسىپ, 156,6 ملرد تەڭگەگە جەتتى. ءدارى-دارمەكتىڭ 460 اتاۋىن لوكاليزاتسيالاۋدى كوزدەيتىن تاعى 9 ينۆەستيتسيالىق جوبا قارالۋ ساتىسىندا تۇر.
