«ماڭعىستاۋ» ۆوكزالىندا بولاشاق عيماراتتىڭ ىرگەتاسىن قۇيۋ اياقتالىپ, تىرەۋ قابىرعالارىن ارماتۋرالاۋ, «بەينەۋ» ۆوكزالىندا جەراستى قاباتىن جابىن پليتالارىمەن جابۋ, بيىكتىگى 6 مەتر بولاتىن ءبىرىنشى قاباتتىڭ كولوننالارىن ورناتۋ ءىس-شارالارى اتقارىلىپ جاتىر. «شەتپە» ۆوكزالىندا بولاشاق عيماراتتىڭ ىرگەتاسىن قۇيۋ اياقتالىپ, جەرتولە قابىرعالارىن مونتاجداۋ, كولوننالاردى قالىپقا كەلتىرۋ, ارماتۋرالاۋ قولعا الىنعان. «قازاقستان تەمىر جولى» ۇك» اق تاپسىرىسىمەن جۇزەگە اسىپ جاتقان كەشەندى رەكونسترۋكتسيالاۋ ەلىمىزدىڭ تۋريستىك الەۋەتىن ارتتىرۋعا باعىتتالىپ وتىر.
وڭىردە جول قۇرىلىسىنا, قاتىستى شارۋالار بارىنشا وزەكتى. ويتكەنى ول – كەلەشەگىن تۋريزممەن بايلانىستىرعان ءوڭىردىڭ كۇرەتامىرى. سول سەبەپتى وبلىستا جول قۇرىلىسى جوبالارى جەتەرلىك.
– جەتىباي – جاڭاوزەن – كەندىرلى – تۇرىكمەنستان شەكاراسى اۆتوموبيل جولىنىڭ 65–179 شاقىرىم ۋچاسكەسىن ورتاشا جوندەۋ جۇمىسى بيىل تامىز ايىندا باستالدى. بۇدان بولەك, وسى جولدىڭ 179–229 شاقىرىم ۋچاسكەسىندە كۇردەلى جوندەۋ جۇمىسى باستالادى, – دەدى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بەينەۋبەك ءابىلوۆ.
سونداي-اق «Air Astana» اۋە كومپانياسى ساۋد ارابياسىنىڭ دجيددا, مەدينا قالالارىنا تىكەلەي رەيستەردى ىسكە قوسقان. 2025 جىلدىڭ 29 قاراشاسىنان باستاپ «Fly Arystan» اۋە كومپانياسى بىرىككەن اراب امىرلىكتەرىنىڭ دۋباي قالاسىنا اپتاسىنا ءبىر رەت, سەنبى كۇندەرى تىكەلەي ۇشاتىن رەيس اشۋدى جوسپارلاپ وتىر. سونىمەن قاتار بيىل كولىك مينيسترلىگى ازاماتتىق اۆياتسيا كوميتەتىنىڭ قولداۋىمەن اقتاۋ – كوكشەتاۋ, اقتاۋ – تۇركىستان اۋە رەيستەرى اشىلدى. 2025 جىلدىڭ 23 قىركۇيەگىنەن اقتاۋ – قاراعاندى باعىتىندا تىكەلەي اۋە رەيستەرى ۇشا باستادى.
وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باس مامانى مۇرات اسادۋللاەۆ ماڭعىستاۋدا وبلىستىق ماڭىزى بار اۆتوموبيل جولى كەزەڭ-كەزەڭىمەن جاڭارتىلىپ جاتقانىن ايتادى. مىسالى فورت-شەۆچەنكو – اقتاۋ – فورت-شەۆچەنكو باعىتىنداعى اۆتوجولدىڭ 30 شاقىرىمىن رەكونسترۋكتسيالاۋ جۇمىستارى جۇرگىزىلىپ جاتىر. ءۇش كەزەڭگە بولىنگەن جوبانىڭ ءبىرىنشى كەزەڭىندە جولدىڭ 43–73 شاقىرىمىن, ەكىنشى كەزەڭىندە 73–104 شاقىرىمىن رەكونسترۋكتسيالاۋ, ءۇشىنشى كەزەڭدە 104–132 شاقىرىمىن ورتاشا جوندەۋ جۇمىسى جۇرگىزىلەدى. جوبا وبلىستىڭ كولىك ينفراقۇرىلىمىن دامىتۋعا, ءوڭىر ىشىندە كولىك قاتىناسىنىڭ قاۋىپسىزدىگىن ارتتىرۋعا باعىتتالعان.
– قازىر اۆتوموبيل جولىنىڭ 17 شاقىرىم اۋماعىندا اسفالتبەتون جابىنىنىڭ ءبىرىنشى قاباتىن توسەۋ جۇمىستارى اياقتالدى. سونىمەن قاتار 6,7 شاقىرىم جول اۋماعىندا جولدىڭ تومەنگى قاباتى مەن نەگىزىن دايىنداۋ جۇرگىزىلىپ جاتىر. قۇرىلىس-مونتاج جۇمىسى بەكىتىلگەن وندىرىستىك كەستەگە سايكەس ورىندالدى. اتقارىلعان شارۋالاردىڭ ناتيجەسىندە جولدىڭ ساپاسى جاقسارىپ, كولىك قاتىناسىنىڭ قاۋىپسىزدىگى مەن قوزعالىس جىلدامدىعى ارتتى, – دەدى م.اسادۋللاەۆ.
جول جايلىلىعى – ەكونوميكانىڭ عانا ەمەس, مادەنيەتتىڭ دە كورىنىسى. سوندىقتان جولدى جاقسارتۋ, جاڭعىرتۋ – اسا ماڭىزدى ءىس.
ماڭعىستاۋ وبلىسى
