مينيسترلىكتىڭ مالىمەتىنشە, انالار ءولىمىنىڭ نەگىزگى سەبەپتەرىنىڭ ءبىرى — ايەلدەردەگى ەكستراگەنيتالدىق اۋرۋلار جانە جۇكتىلىككە الدىن الا دايىندىقتىڭ تومەن بولۋى.
«باعدارلاما شەڭبەرىندە ەلىمىزدە العاش رەت فەرتيلدىك جاستاعى, جۇكتىلىكتى جوسپارلاپ جۇرگەن ايەلدەر ءمامس اياسىندا 12 نەگىزگى مەديتسينالىق تەكسەرۋدەن تەگىن وتە الادى. ەگەر تەكسەرۋ بارىسىندا قانداي دا ءبىر پاتولوگيا انىقتالسا, ولارعا ارنايى ساۋىقتىرۋ باعدارلامالارى ۇسىنىلادى. قازىرگى تاڭدا قازاقستاندا ايەلدەردىڭ پرەگراۆيدالدىق دايىندىقپەن قامتىلۋ دەڭگەيى 46,1%-دى قۇراپ وتىر», دەلىنگەن حابارلامادا.
مامانداردىڭ ايتۋىنشا, جۇكتىلىكتى دۇرىس جوسپارلاۋ بولاشاق انا مەن نارەستەنىڭ دەنساۋلىعىنا تونەتىن قاۋىپ-قاتەردى ايتارلىقتاي تومەندەتەدى.
