Krisp_almaty پاراقشاسىندا جاريالانعان مالىمەتكە سايكەس, وقيعا الماتىداعى «كاسپي» تۇرعىن ءۇي كەشەنىنىڭ اۋلاسىندا بولعان.
«كۋاگەرلەردىڭ ايتۋىنشا, الدىمەن بالالار اراسىندا كەلىسپەۋشىلىك تۋىنداعان, كەيىن ەرەسەك ەر ادام بالالاردىڭ ىسىنە ارالاسقان. بەينەجازبادان ەر ادامنىڭ جۇگىرىپ بارىپ, بالانى قاتتى تەۋىپ جىبەرگەنى انىق كورىنەدى. ودان كەيىن ونىڭ جۇبايى بالاعا ۇرسىپ, قۇلاعىنان تارتقىلاپ, زارداپ شەككەن بالانىڭ اجەسىمەن سوزگە كەلە باستاعان.
اتا-اناسىنىڭ ايتۋىنشا, ەرلى-زايىپتىلار ءوز كىناسىن مويىنداماي وتىر. بالا اۋرۋحاناعا جەتكىزىلدى, دارىگەرلەر بالانىڭ ميى شايقالعانىن ايتتى», دەلىنگەن حابارلامادا.
تۇرعىن ءۇي كەشەنى تۇرعىندارى وبەكتيۆتى تەرگەۋ جۇرگىزۋدى جانە بالانىڭ دەنساۋلىعىنا زيان كەلتىرگەندەرگە ءادىل شارا قولدانۋدى سۇرايدى.
ەلىمىزدىڭ بالا قۇقىقتارى جونىندەگى ۋاكىلى دينارا زاكيەۆا وقيعاعا قاتىستى تۇسىنىكتەمە بەردى. ونىڭ ايتۋىنشا, الماتىداعى ويىن الاڭىندا بالاعا قاتىستى كۇش قولدانۋ فاكتىسى بويىنشا قىلمىستىق ءىس قوزعالدى. سونداي-اق ول زارداپ شەككەن بالاعا بارلىق قاجەتتى كومەك كورسەتىلەتىنىن ايتتى.
