بۇل قازاقستاننىڭ مەملەكەتتىك سەكتورداعى كادرلىق پروتسەستەردى تسيفرلاندىرۋ جەتىستىكتەرى حالىقارالىق دەڭگەيدە مويىندالىپ جاتقاندىعىنىڭ كورسەتكىشى.
e-Qyzmet جۇيەسى – مەملەكەتتىك باسقارۋدى تسيفرلىق جاڭعىرتۋدىڭ نەگىزگى ەلەمەنتى جانە ۇلتتىق كادر ساياساتىن ىسكە اسىرۋدىڭ ماڭىزدى قۇرالى. جۇيە HR-پروتسەستەردى تولىق اۆتوماتتاندىرىپ, كادرلىق دەرەكتەردى ورتالىقتاندىرادى. بيۋروكراتيالىق كەدەرگىلەردى جويىپ, سۋبەكتيۆتى شەشىمدەر قابىلداۋ تاۋەكەلىن بارىنشا ازايتادى. كادرلاردى قابىلداۋ, تيىمدىلىكتى باعالاۋ ءارى مانساپتىق ىلگەرىلەتۋ ۇردىستەرىنىڭ مەريتوكراتيالىق قاعيداتتارمەن جۇزەگە اسۋىن قامتاماسىز ەتەدى.
پلاتفورما بارلىق مەملەكەتتىك ورگاندارداعى 400-دەن استام باسقارۋشىلىق پروتسەستەردى جانە HR-راسىمدەردى قامتيدى. e-Qyzmet ىرىكتەۋ راسىمدەرىن تسيفرلاندىرۋ مەن اكىمشىلىك كەدەرگىلەردى ازايتۋ ەسەبىنەن كادرلىق جۇيەنىڭ اشىقتىعى مەن قولجەتىمدىلىگىن ارتتىرىپ, كاسىبي جانە تۇراقتى مەملەكەتتىك قىزمەتتى قالىپتاستىرۋعا ىقپال ەتتى.
«e-Qyzmet جۇيەسى تۋرالى ماتەريالدىڭ OPSI پلاتفورماسىندا جاريالانۋى – قازاقستاننىڭ مەملەكەتتىك قىزمەتتەردى تسيفرلاندىرۋ جانە HR-الەۋەتىن دامىتۋ سالاسىنداعى حالىقارالىق جەتىستىگى. بۇل قازاقستان تاجىريبەسىنىڭ تەك ەل ىشىندە عانا ەمەس, جاھاندىق دەڭگەيدە دە قىزىعۋشىلىق تۋدىرىپ وتىرعانىنىڭ ايقىن دالەلى. مۇنداي قادام مەملەكەت باسشىسىنىڭ ء«بىز ۇيرەنەتىن عانا ەمەس, ۇيرەتەتىن ۇلت بولۋىمىز كەرەك» دەگەن ۇستانىمىنا سايكەس كەلەدى», دەدى مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباي.
e-Qyzmet جۇيەسىنە 2022-2023 جىلدارى جاڭعىرتۋ مەن تسيفرلىق ىرىكتەۋ تەتىكتەرىن ەنگىزۋ ارقىلى ءبىر بوس ورىنعا ورتا ەسەپپەن 5,5 ۇمىتكەردەن كەلىپ, كانديداتتار اراسىنداعى باسەكەلەستىك ايتارلىقتاي ارتىپ وتىر. بۇل ءداستۇرلى جۇيەمەن سالىستىرعاندا ءۇش ەسەدەن جوعارى كورسەتكىش.
ايتا كەتۋ كەرەك, قازاقستاننىڭ تسيفرلاندىرۋ سالاسىنداعى جەتىستىكتەرىنىڭ حالىقارالىق دەڭگەيدە مويىندالۋى ەلىمىزدىڭ ەكونوميكالىق ىنتىماقتاستىق جانە دامۋ ۇيىمى (ەىدۇ) باستامالارىنداعى, الەمدىك ساراپتامالىق الاڭدارداعى پوزيتسيالارىن نىعايتۋعا مۇمكىندىك بەرەدى.
