جىلۋ جەلىلەرى جاڭارتىلادى

قوستاناي وبلىسىنداعى جىلۋ جەلى­لە­رىن رەكونسترۋكتسيالاۋدى اياقتاۋعا ۇكىمەت رەزەرۆىنەن شامامەن 2,2 ملرد تەڭگە ءبولىندى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى. قاراجات قوستاناي, جىتىقارا, ارقالىق قالا­لارىن جىلۋمەن, ال رۋدنىيدى سۋمەن جابدىقتاۋ نىساندارىن جوندەۋگە باعىت­تالدى.

قوستاناي قالاسىنىڭ جەو باس بۋ قۇبىرىن رەكونسترۋكتسيالاۋعا 188 ملن تەڭگە اجىراتىلدى. بۇل نىسان 1955 جىلى پايدالانۋعا بەرىلگەن. بۋ قۇبىرىنا سوڭعى ءىشىنارا جوندەۋ 2012 جىلى جۇرگىزىلگەن. جاڭعىرتۋ قىسقى كەزەڭدە جەو جۇمىسىنىڭ سەنىمدىلىگىن ارتتىرۋعا مۇمكىندىك بەرەدى.

جىتىقارا قالاسىندا 11 شاعىن اۋدان­دا جىلۋ جەلىلەرىن جوندەۋگە 389 ملن تەڭگە ءبولىندى. ونىڭ 269 ملن تەڭگەسى ى.التىنسارين كوشەسىن, 205 ملن-ى جىبەك جولى كوشەسىن جاڭعىرتۋعا جۇم­سالادى. بۇل جىلۋ جەلىلەرى 183 كوپ­پاتەرلى ءۇي, 2,5 مىڭ از پاتەرلى ۇيمەن قاتار, قالا قۇرىلىسىنىڭ ەداۋىر ماس­سيۆتەرىن قامتيدى. جىلۋ ەنەرگياسىن تۇتىنۋ­شىلاردىڭ جالپى سانى 15,5 مىڭ ابونەنتتى قۇرايدى.

جالپى, قالانىڭ جىلۋ جەلىلەرىنىڭ ۇزىندىعى 78 شاقىرىم, ونىڭ ىشىندە ماگيسترالدىق جەلىلەرى – 7,53 شاقىرىم.

بۇعان قوسا جۇمىس ارقالىق قالاسىندا دا جۇرگىزىلىپ جاتىر. وندا جىلۋ جەلىلەرىن رەكونسترۋكتسيالاۋ بويىنشا جوبانىڭ ءۇشىنشى كەزەگىن جۇزەگە اسىرۋعا شامامەن 645 ملن تەڭگە باعىتتالدى. بيىلعى ەسەپتەۋلەرگە سايكەس جالپى ۇزىندىعى 10 شاقىرىم بولاتىن 1,6 شاقىرىم جەلىنى جاڭارتۋ جوسپارلانىپ وتىر. بۇل جەلىگە جالپى ءبىلىم بەرە­تىن مەكتەپپەن قاتار 300 ابونەنت قوسىل­عان.

رۋدنىي قالاسىنىڭ سۋمەن جابدىقتاۋ جۇيەسىن رەكونسترۋكتسيالاۋ جوباسى 500 ملن تەڭگەگە قارجىلاندىرىلدى. اتاپ ايتقاندا, قاراجات 1978 جىلى پايدالانۋعا بەرىلگەن قالانىڭ №2 سۇزگى ستانساسىن جاڭعىرتۋعا جۇمسالادى. جوبا رۋدنىي قالاسىن, قاشار مەن گورنياتسك كەنتتەرىن, سونداي-اق ونەركاسىپتىك نىسانداردى – بارلىعى 122 مىڭنان استام ادامدى ۇزدىكسىز ءارى ساپالى سۋمەن جاب­دىقتاۋدى, جىلىتۋ ماۋسىمىنىڭ اپاتسىز ءوتۋىن قامتاماسىز ەتەدى.

ۇكىمەت قابىلداعان جاڭعىرتۋ شارالارى وڭىردەگى ينجەنەرلىك ينفراقۇرى­لىم­دى ەداۋىر نىعايتۋعا, جىلۋ جانە سۋمەن جابدىقتاۋ نىساندارىنىڭ سەنىم­دىلىگى مەن تيىمدىلىگىن ارتتىرۋعا, شىعىن­داردى ازايتۋعا, تۇرعىندار مەن الەۋ­مەت­تىك ماڭىزى بار نىسانداردى جىلۋمەن ءارى سۋمەن قامتاماسىز ەتۋگە مۇمكىندىك بەرەدى.