سۋرەت: adebiportal.kz
«تاستىڭ ءوزى نۇر شاشادى, بۇگىن-داعى, كەشە دە
ءبىزدىڭ مىناۋ الماتىدا, كۇن جايلاعان كوشەدە.
تاس بالقىتقان تالما تۇستە – بالقيمىز ءبىز كۇنگە ۇساپ,
قىزۋىنان الما ءپىستى – ايقاسقاندا مىڭ قۇشاق» دەگەن اقىن ارۋ الماتىعا ىنتىقتىرادى.
اتالعان پوەزيا كەشىندە مادەنيەت جانە اقپارات مينيسترلىگىنىڭ قولداۋىمەن شىققان جۇمەكەن ناجىمەدەنوۆتىڭ تاڭدامالى شىعارمالار جيناعى تانىستىرىلدى. پوەتيكالىق كەشكە زيالى قاۋىم وكىلدەرى, اقىن-جازۋشىلار, ايتۋلى سۋرەتكەردىڭ ۇرپاقتارى, ستۋدەنتتەر مەن وقۋشىلار, سونداي-اق ادەبيەتسۇيەر قاۋىم قاتىستى. ەڭ باستىسى, ولەڭ وقىلدى:
«مىنە, ءبىزدىڭ الماتى وسى,
الما ءتوسى بۇلتيىپ,
الما-توسكە جاس بۇتانىڭ ساۋساقتارى ءتۇر ءتيىپ.
ءجۇرشى, جانىم, قىدىرايىق, نەعىلاسىڭ جالعىز قاپ,
الاتاۋدىڭ اق قارىنان اپەرەيىن بالمۇزداق!», دەيتىن شۋماقتار تەك جۇمەكەنگە عانا ءتان.
كەش سوڭىندا گەرالديكالىق زەرتتەۋلەر ورتالىعى, بالالار مەن جاسوسپىرىمدەرگە ارنالعان رەسپۋبليكالىق «ۇلان» گازەتى بىرلەسە ۇيىمداستىرعان «تۋعان جەرىم مەنىڭ, قازاقستانىم» اتتى اڭگىمەلەر بايقاۋىنىڭ جەڭىمپازدارى ماراپاتتالدى.
اتالعان بايقاۋ جۇمەكەن ناجىمەدەنوۆتىڭ 90 جىلدىق مەرەيتويىنا جانە «ۇلان» گازەتىنىڭ 95 جىلدىعىنا وراي ۇيىمداستىرىلدى. سايىسقا ەلىمىزدىڭ ءار وڭىرىنەن 50-دەن استام وقۋشى قاتىستى.
سونىمەن قاتار ءىس-شارا بارىسىندا «ۇلان» گازەتىنىڭ جاس تىلشىلەرىنە ارنايى كۋالىك تابىستالدى.
بەكجان باقىت ۇلى
