سەبەبى جي تاۋار مەن قىزمەتتىڭ باسىم بولىگىن ادام ەڭبەگىنسىز وندىرە الادى, سول ارقىلى ەكونوميكاداعى قارجىلىق شەكتەۋلەر السىرەيدى. دەگەنمەن ەنەرگيا مەن شيكىزات تاپشىلىعى سەكىلدى فاكتورلار ماڭىزىن جوعالتپايدى.
ماسك بولاشاقتاعى ەڭبەك قاتىناسىن سپورتپەن اينالىسۋ, باۋ-باقشا كۇتۋ سەكىلدى ىستەردى ادام ءوز جان قالاۋ ءۇشىن عانا جاسايدى دەيدى. ونىڭ پىكىرىنشە, جۇمىس حوببيعا اينالادى. كاسىپكەر يەن بەنكستىڭ «مادەنيەت» عىلىمي-فانتاستيكالىق سەرياسىن مىسالعا كەلتىرىپ, وندا سۋرەتتەلگەن قاجەتتىلىگى جويىلعان قوعامنىڭ كەيبىر ەلەمەنتتەرى شىنايى ومىردە ىسكە اسۋى مۇمكىن ەكەنىن ايتتى.
كەيىنگى ۋاقىتتا ماسك جاساندى ينتەللەكت پەن روبوتتار كەدەيلىكتى تولىق جويۋعا قابىلەتتى دەگەن پىكىرىن ءجيى ايتادى. ينۆەستورلارمەن كەزدەسۋىندە ول «Optimus» روبوتى ءار ادامعا جوعارى ءومىر ساپاسىن قامتاماسىز ەتە الادى دەپ اتاپ ءوتتى. ونىڭ ايتۋىنشا, مەملەكەتتەر بولاشاقتا امبەباپ بازالىق تابىسپەن شەكتەلمەي, جالپىعا ورتاق جوعارى تابىس جۇيەسىن ەنگىزۋگە ءماجبۇر بولۋى مۇمكىن.
