كەش الدىندا كونتسەرتكە قاتىساتىن انشىلەر حالىقپەن تىلدەسىپ, قىزىل كىلەم ارقىلى ءجۇرىپ ءوتىپ, اسەرلەرىمەن ءبولىستى.
قازاق ونەرىنىڭ مايتالماندارى, كۇمىس كومەي انشىلەر مايرا ءىلياسوۆا, نۇرلان ونەرباەۆ, ۇلىقپان جولداسوۆ, قانات پەن سۆەتلانا ايتباەۆتار, مادەنيەت سالاسىنىڭ ۇزدىگى, «قۇرمەت» وردەنىنىڭ يەگەرى, كاسىبي دومبىراشى باقىتبەك زەينەلوۆ, ميراس پەن قۇرالاي بەكجانوۆتار, مەدەت پەن كلارا, مارات ءايتىموۆ, ورال-قوساي بايسەڭگىر-نۇرگۇل تىلەگەنوۆا, اللابەرگەن جاقسىباەۆ, ريتا ريم, ارايلىم راقىمقىزى, جۇلدىز نۇرقاسىموۆا, جاس, تالانتتى انشىلەر فاريدا جولداسوۆا, سەزىم ورالقىزى جانە ع.جۇبانوۆ اتىنداعى وبلىستىق فيلارمونيانىڭ باسقا دا انشىلەرى ونەر كورسەتتى.
قر ەڭبەك سىڭىرگەن قايراتكەرى, تانىمال ءانشى ارايلىم راقىمقىزى –كەشتىڭ ۇيىمداستىرۋشىسى پروديۋسەرى, شەبەر ۇيلەستىرۋشىسى رەتىندە جارقىراپ كورىندى. ساحنانىڭ بەزەندىرىلۋى, ستسەناريى, جۇرگىزۋشىلەر زور تالعاممەن تاڭدالعان. ەستى ءاندى, اسەم اۋەندى تىڭداعىسى كەلگەن استانالىقتار, كەش قوناقتارى زالدىڭ عاجايىپ اتموسفەراسىنان شىعا الماي, ءار ءان بىتكەندە ۇزاق قول شاپالاقتاۋمەن بولدى. كەرەمەت اسەر سىيلادى.
كەش شىمىلدىعى دۋلات پەن ريتانىڭ ورىنداۋىندا ء سوزىن ورال-قوساي بايسەڭگىر جازعان دۋلات ايتجانوۆتىڭ «اقتوبە-قۇتتى مەكەنىم» انىمەن باستالدى. اۋەزدى اۋەندى جارقىراعان ALEM بي تەاترى ارلەپ, مىڭ بۇرالعان بيىمەن ايشىقتاي ءتۇستى.
ميراس پەن قۇرالاي بەكجانوۆتار پاتريوتتىق رۋحتاعى «جاسا, قازاقستان!» انىمەن ساحناعا ساعادات نۇرماعامبەتوۆ اتىنداعى اسكەري كوللەدجدىڭ 22 كادەتىمەن بىرگە جۇلدىزداي جارقىراپ شىقتى. كەرەمەت ءان رۋحىمىزدى كوتەرىپ, عاجاپ ءان جۇرەكتەردە جاتتالدى. كۆارتەت بولىپ ورىندالعان «راۋشان گ ۇلىم» ءانى جۇرەگىمىزدى شىم-شىم قوزعاپ, ساعىنىشىمىزدى مازداتتى. كەشتى قورىتىندىلاعان التى ءانشى ورىنداعان ء«اليا-داستان» ءانى اقتوبەلىكتەردىڭ عانا ەمەس, بار قازاقتىڭ رۋحىن كوتەرىپ, ابىرويىن اسپانداتاتىن انگە اينالدى.
دۋلات ايتجانوۆ – اعايىندى جۇبانوۆتاردى, ايتباەۆتاردى, قازاعىمنىڭ تالاي مىقتىسىن دۇنيەگە اكەلگەن قاسيەتتى مۇعالجار ءوڭىرىنىڭ تۋماسى. اندەرى كوبىنە ليريكالىق باعىتتا بولىپ كەلەدى.
«دۋلاتتىڭ اندەرى ناعىز ماحابباتتى, ەلگە, اناعا, جارعا دەگەن ادەمى سەزىمدەردى سۋرەتتەيدى. ونىڭ كەڭ تاراعان «ساعىنىش سازى» ءانى ستۋدەنت جاستاردىڭ ءانۇرانىنا اينالدى. سوڭعى كەزدە دۋلاتتىڭ ورىس تىلىندە جازىلعان اندەرى دە ەل اياسىنان اسىپ, كورشىلەس ەلدەردە شىرقالىپ ءجۇر», دەيدى قر ەڭبەك سىڭىرگەن قايراتكەرى سۆەتلانا ايتباەۆا.
دۋلاتتىڭ اندەرى جۇرەكتەردى تەربەيدى. جۇرەكتەن شىققان اۋەن جۇرەكتەرگە جەتەتىنى امبەگە ايان. ۇلكەن دە, كىشى دە ونىڭ سىرلى سازعا تولى اندەرىن ءسۇيىپ ايتادى. قازىرگى جاستاردىڭ تىڭدايتىن اۋەندەرى باسقاشا, دۋلات ايتجانوۆ سوناۋ ەرتەدەن كەلە جاتقان ءداستۇرلى باعىتتى, كلاسسيكالىق تۋىندىلاردىڭ تورگە وزعانىن قالايتىن ونەر يەسى. بۇگىندە ول اقتوبە قالاسىنداعى ع.جۇبانوۆا اتىنداعى وبلىستىق فيلارمونيادا مۋزىكا كوركەمدەۋشىسى رەتىندە قىزمەت اتقارادى. فيلارمونيا انشىلەرىنىڭ اندەرىن كوركەمدەپ, ارانجيروۆكاسىن جاسايدى. جاقسى ءسوز, عاجاپ ولەڭ كورسە, ادەمى تابيعاتتى سەزىنسە, ەلگە, اناعا, جارعا, پەرزەنتكە دەگەن ماحاببات اۋەن بولىپ كومەيىنە ورالادى, كوپشىلىككە ءان بولىپ جەتەدى.
بۇگىندە كيەلى ساحنادا دۋلاتتىڭ اندەرى ءجيى ورىندالادى. كەزىندە نۇرلان مەن مۇراتتىڭ رەپەرتۋارىنداعى دۋلاتتىڭ «اۋىلعا» دەگەن ءانىن, «زامان» توبىنىڭ ورىنداۋىنداعى «عاشىقپىن» ءانىن تىڭدارمان ىقىلاسپەن قابىلدادى. بۇگىندە ونىڭ شىعارمالارىن ۇلىقپان جولداسوۆ, قانات-سۆەتلانا ايتباەۆتار, ميراس-قۇرالاي بەكجانوۆتار, تامارا اسار سياقتى تانىمال ونەر جۇلدىزدارى ورىنداپ ءجۇر.
دۋلات ايتجانوۆ استانا تۋرالى, اقتوبە جايلى بىرنەشە ءاننىڭ اۆتورى. بۇگىندە ونىڭ «نۇرلى استانا» ء(سوزىن اقىن وڭتالاپ بازارالىنىكى), ء«ان-استانا» ء(سوزى تالانت ارعىنعاليدىكى) اندەرىن بەلگىلى انشىلەر مارات ءايتىموۆ, جۇلدىز نۇرقاسىموۆا, جاس انشىلەر ايبات ماحاشوۆ پەن اقتورعىن ءامينوۆالار ورىنداپ ءجۇر. ء«ان-استانا» ءانى وبلىستىق ء«انىم سەنسىڭ — استانا» ءان بايقاۋىندا «ەڭ ۇزدىك ءان» نوميناتسياسىنا يە بولعان.
ع.جۇبانوۆا اتىنداعى اقتوبە وبلىستىق فيلارمونياسىنىڭ ءسوليسى ايبات ماحاشوۆ دۋلاتتىڭ «نۇرلى استانا» انىمەن بىرگە, تالعات تىلەۋلەسوۆتىڭ سوزىنە جازىلعان نۇرتالاپ ءجۇسىپوۆتىڭ «عاجاپ استانا» ءانىن دە ۇلكەن ساحنالاردا ءجيى ورىندالاتىن اۋەزدى اۋەندەردىڭ ءبىرى.
دۋلاتتىڭ كومپوزيتورلىعى ءبىر بولەك, انشىلىگى ءبىر بولەك دۇنيە. ءانشى جارى ريتامەن بىرگە قول ۇستاسىپ, قازاقتىڭ تاماشا اندەرىن ۇلكەن ساحنالاردا شىرقاپ, حالىقتىڭ سۇيىسپەنشىلىگىنە بولەنىپ جۇرگەن ونەر مايتالماندارى. تاربيەلى ۇل, قىلىقتى قىز ءوسىرىپ وتىرعان ونەگەلى وتباسىنىڭ يەلەرى. مۇندايدا دوستىق تىلەكپەن, جاناشىر كورەرمەننىڭ لەبىزىمەن ء«انىڭ دە, ءسانىڭ دە, ءومىر جولىنداعى داستانىڭ دا تاۋسىلماسىن, جاقسى اۋەندەرىڭ قازاعىمنىڭ اسپانىندا اۋەلەي بەرسىن!» دەگەن تىلەك ايتقىمىز كەلەدى.
گۇلشات ساپارقىزى
