پرەزيدەنتتىڭ ايتۋىنشا, اكىمدەر بارلىق ماسەلەنى مۇمكىندىگىنشە ءوز دەڭگەيىندە شۇعىل جانە ساپالى شەشۋى قاجەت. بىراق بۇل مىندەتتى اتقارۋ ءۇشىن جەرگىلىكتى اكىمدەردىڭ قولىندا ءتيىستى قۇزىرەتى بولۋى كەرەك. اتقارىلىپ جاتقان جۇمىستىڭ ءمان-جايىن ۇنەمى جۇرتقا ءتۇسىندىرىپ وتىرعان ءجون.
«سىن تۇزەلمەي, ءمىن تۇزەلمەيدى» دەگەن. ارينە, ايتىلعان ۇسىنىس-پىكىرگە نازار اۋدارۋ كەرەك. بىراق اركىمنىڭ, اسىرەسە, ءىس-ارەكەتى ەرسى, نيەتى تەرىس, ءتىپتى, ارانداتۋشى ادامداردىڭ ىعىنا جىعىلماي, جەتەگىندە كەتپەي, اقىلعا قونىمدى ۇسىنىستى عانا قابىلداۋ قاجەت.
نەگىزى, بۇل – بارلىق دەڭگەيدەگى اكىمدەرگە ورتاق ۇستانىم. تۇرعىنداردى ورتاق ىسكە جۇمىلدىرىپ, العا باستاي بىلەتىن اكىمدى ناعىز اكىم دەۋگە بولادى», دەدى پرەزيدەنت.
قاسىم-جومارت توقاەۆ «قازاقستان رەسپۋبليكاسى ىشكى ساياساتىنىڭ نەگىزگى قاعيداتتارىن, قۇندىلىقتارى مەن باعىتتارىن بەكىتۋ تۋرالى» جارلىققا قول قويدى. پرەزيدەنتتىڭ ايتۋىنشا, بۇل – ءاربىر مەملەكەتتىك قىزمەتشىنىڭ, اسىرەسە اكىمدەردىڭ جۇمىسىنا باعدار بەرەتىن وتە ماڭىزدى قۇجات.
