فوتو: روسكوسموس
«روسكوسموس» مەملەكەتتىك كورپوراتسياسى «سويۋز مس-28» زىمىرانى ۇشىرىلعاننان كەيىن ادەتتەگىدەي ۇشىرۋ الاڭى تەكسەرىلگەنىن حابارلادى. ۇلىتاۋدان تابىلعان زىمىراننىڭ مەتالل كونسترۋكتسياسى «سويۋز مس-28» زىمىرانىنا تيەسىلى ەكەنى بەلگىلى بولدى.
اتالعان زىمىراندا رەسەي عارىشكەرلەرى مەن NASA استروناۆتى بولعان. ولاردىڭ اراسىندا 74-ءشى ەكسپەديتسيانىڭ مۇشەلەرى عارىشكەرلەر سەرگەي كۋد-سۆەرچكوۆ پەن سەرگەي ميكاەۆ جانە استروناۆت كريستوفەر ۋيليامس بار.
قۇرام عارىشتا 242 كۇن زەرتتەۋ جۇرگىزىپ, جەرگە 2026 جىلدىڭ شىلدەسىندە ورالادى.
ال «روسكوسموس» ۇشۋ ايلاعىندا تابىلعان زىمىراننىڭ قۇرامداس بولشەكتەرى جەدەل قالپىنا كەلتىرىلەتىنىن مالىمدەدى.
زاقىمدانعان بولشەكتەر قۇلاعان ايماق تۇرعىندارىنا ەكولوگيالىق قاۋىپ ءتوندىرىپ تۇر ما؟ بۇعان دەيىن وقيعاعا قاتىستى مامانداردىڭ جاۋابىن جاريالاعان بولاتىنبىز.
