فوتو: instagram.com/natije_edu_semey
بۇگىندە ەلىمىزدەگى «كەلەشەك مەكتەپتەرىندە» 460 مىڭنان استام وقۋشى ءبىلىم الادى.
جيىندا جۇلدىز سۇلەيمەنوۆا وقۋشىلارعا ساپالى ءبىلىم, سانالى تاربيە بەرۋمەن قاتار ولاردىڭ شىعارماشىلىق, زياتكەرلىك, سپورتتىق مۇمكىندىكتەرىن شىڭداۋ وزەكتى ەكەنىن اتاپ ءوتتى. بۇل تۇرعىدا مەكتەپىشىلىك ۇيىرمەلەر ەلەۋلى ۇلەس قوسا الادى.
دزيۋدو ەلەمەنتتەرىن ۇيرەتەتىن ۇيىرمەلەر وسى ماقساتتى جۇزەگە اسىرۋ ءۇشىن ەنگىزىلمەك.
217 «كەلەشەك مەكتەبىندە» اشىلاتىن ۇيىرمەلەر ءۇشىن جاتتىقتىرۋشىلاردى دزيۋدو فەدەراتسياسى دايارلايدى.
سونىمەن بىرگە مەكتەپ زالدارىن قاجەتتى سپورتتىق قۇرال-جابدىقتارمەن, ۇيىرمەگە قاتىساتىن وقۋشىلاردى ارنايى كيمونومەن قامتاماسىز ەتۋ دە فەدەراتسياعا جۇكتەلىپ وتىر.
وقۋ-اعارتۋ ءمينيسترى پيلوتتىق جوبانى جۇزەگە اسىرۋ بارىسىندا اۋىل مەكتەپتەرىنە باسىمدىق بەرىلەتىنىن مالىمدەدى.
