ەرتە قامدانعان قاپى قالمايدى

پاۆلودار وبلىسىندا الداعى جىلدىڭ سۋ تاسقىنى مەزگىلىنە دايىندىق جۇمىسى جۇرگىزىلىپ جاتىر. ەلدى مەكەندەردى سۋ باسۋ قاۋ­پىن بارىنشا ازايتۋ ماق­سا­تىندا وبلىس اكىمىنىڭ قاۋ­لى­سىمەن «ينجەنەرلىك جۇمىس جوس­پارى» بەكىتىلگەن.

– جوسپار اياسىندا 30 شاقى­رىم­عا جۋىق قورعانىس جانە جول ينفراقۇرىلىم نىساندارى قال­پى­نا كەلتىرىلىپ, نىعايتىلدى. 29 سۋ وتكىزۋ قۇبىرى ورناتىلىپ, جوندەۋدەن وتكىزىلدى. سونداي-اق ەلدى مەكەندەردەگى ارىقتار مەن سۋ بۇرۋ ارنالارى تازارتىلىپ, رەتكە كەلتىرىلدى, – دەپ حابارلادى وڭىرلىك توتەنشە جاعدايلار دەپارتامەنتى باستىعىنىڭ ورىنباسارى قايرات شايماردەنوۆ.

مامان­­داردىڭ اي­­تۋىنشا, باياناۋىل, اقتوعاي اۋدان­دا­رىن­داعى ەلدى مەكەندەر ەرەكشە باقىلاۋدا تۇر. باياناۋىل اۋدانىندا سۋ تاسقىنى قاۋپىن تومەندەتۋ ماقساتىندا جاڭاجول, ق.ساتباەۆ اۋىلدارىندا سۋارمالى جۇيەلەردى قايتا جاڭارتۋ جۇمىسى جۇرگىزىلىپ جاتىر. اتال­عان جوبالار ارقىلى 3,6 مىڭ گەكتار اۋماقتا 23 ملن تەكشە مەتر­دەن استام سۋدى قابىلداپ, رەتتەۋ مۇمكىندىگى پايدا بولادى.

ال اقتوعاي اۋدانى شولاق­سور اۋىلى ماڭىندا سىلەتى وزە­نى­نىڭ ارناسىن تۇزەۋ, تەرەڭ­دە­تۋ جۇ­مىسى اتقارىلدى. جالاۋ­لى اۋىلىندا 200 ملن تەكشە مەتر كولەمىندە ەرىگەن قار سۋلارىن جيناۋعا ارنالعان 3 توعان قازىلىپ, جەر ۇيىندىلەرى جاسالعان. ال ەرتىس وزەنىنىڭ ويپاڭ تۇستارىندا جەرگىلىكتى اتقارۋشى ورگانداردىڭ كۇشىمەن جالپى ۇزىندىعى 63,8 شاقىرىمدى قۇرايتىن توپىراق ءۇيىندىسى تۇرعىزىلعان.

قازىر توتەنشە جاعدايلار دەپارتامەنتىنىڭ قىزمەتكەرلەرى جەرگىلىكتى اتقارۋشى ورگاندارمەن بىرلەسىپ, وبلىستىڭ الداعى بولۋى ىقتيمال سۋ تاسقىنى كەزەڭىنە دايىندىعىن باعالاۋ ماق­ساتىندا ەلدى مەكەندەردى ارالاپ, تەك­سەرۋ جۇمىسىن جۇرگىزىپ جاتىر.

– جازعىتۇرىم كەزەڭدە ىقتي­مال توتەنشە جاعدايلاردىڭ الدىن الۋ جانە جويۋ ماقساتىندا دەپارتامەنتپەن «كاماز» بازا­سىن­­داعى 2 سۋ سورۋ اۆتوكولىگى, 5 «Skoda Kodiak» جەدەل-قىزمەتتىك اۆتوكولىگى, 1 «Toyota Hilux» بازاسىنداعى جەدەل ارەكەت ەتۋ اۆتوكولىگى, 6 اسپالى قايىق مو­تورى, 2 ۇرلەمەلى قايىق, 1 ۇشقىش­سىز ۇشۋ اپپاراتى (درون), 1 تەنتتى جۇك كولىگى, 13 تاسىمالداناتىن موتوپومپا, 1 تىركەمەلى موتوپومپا ساتىپ الىندى. بارلىق قۇتقارۋ بولىمشەلەرى سۋ وتكىزبەيتىن ارنايى قورعانىس كوستيۋمدەرىمەن قامتاماسىز ەتىلدى, – دەيدى دەپارتامەنت وكىلى.

ال «قازگيدرومەت» رمك پاۆلودار وبلىستىق فيليالىنىڭ حابارلاۋىنشا, قازىر ءوڭىر بو­يىنشا ورتاشا جاۋىن-شاشىن مولشەرى وتكەن جىلدىڭ سايكەس كەزەڭىمەن سالىستىرعاندا 76%-عا كوپ (2024 جىلى – 13 مم, 2025 جىلى – 23 مم). توپىراقتىڭ قازىرگى قاتۋ تەرەڭدىگى ورتا ەسەپپەن وتكەن جىلمەن سالىستىرعاندا 33%-عا جوعارى (2024 جىلى – 6 سم, 2025 جىلى – 8 سم).

– قاراشا ايى ادەتتەگىدەن جىلى بولىپ تۇر. وبلىس بويىن­شا ورتاشا اۋا تەمپەراتۋراسى نور­مادان 1 گرادۋسقا جوعارى (-5,-6°س), جاۋىن-شاشىن مولشەرى – نورماعا جۋىق (16–23 مم). جەلتوقساندا اۋا تەمپەراتۋراسى نورمادان اۋىتقىماي, ورتاشا تاۋلىكتىك تەمپەراتۋرا -10,-14 گرادۋس بولىپ ساقتالادى. قاڭتارداعى تەمپەراتۋرا دا نورما شەگىندە بولادى. تەك اقپان مەن ناۋرىز ايلارىندا اۋا تەمپەراتۋراسى نورمادان 1–2°س جوعارى بولادى دەپ بولجانادى, – دەپ مالىمدەدى «قازگيدرومەتتىڭ» جەرگىلىكتى فيليالىنان.

پاۆلودار وبلىسى