COOK جۋرنالىنىڭ تىلشىلەرى بيىل جازدا الماتى قالاسى تۋريزم باسقارماسى مەن Almaty Tourism Bureau شاقىرتۋىمەن كەلىپ, قالامىزدىڭ گاسترونوميالىق داستۇرلەرىمەن, مادەنيەتى, تۋريستىك الەۋەتىمەن تانىسىپ قايتقان بولاتىن. وسى ساپاردىڭ ناتيجەسىندە تۋعان رەپورتاجدا الماتى, كولساي مەن قايىڭدى كولدەرى, شارىن شاتقالى سىندى تۋعان ولكەمىزدىڭ تابيعي جاۋھارلارى جازىلعان. بەتكە ۇستار تۋريستىك نىساندار قالا ينفراقۇرىلىمىمەن, زاماناۋي گاسترونوميالىق ورىندارىمەن ۇيلەسىپ, بىرەگەي تۋريستىك باعىت رەتىندە ۇسىنىلعان.
جولساپاردان جازىلعان رەپورتاجدا اسىرەسە, الماتىنىڭ بۇگىنگى ازپازدىق ونەرىنە ەرەكشە كوڭىل ءبولىنىپ, ەتتەن دايىندالعان ءتۇرلى تىسكەباسارلار, بايىرعى ۇلتتىق تاعامدار تۋرالى باياندالادى. سونىمەن قاتار قىمىزدىڭ قازىرگى زاماندا قالاي دايىندالاتىنى, كەلگەن قوناقتارعا قالاي ۇسىنىلاتىنى شۇرايلى سۋرەتتەلەدى.
جۋرنالدا Neo Nomad cuisine باعىتى دا قامتىلعان. ماقالادا باۋىرساق, قۇرت, ىستالعان جىلقى ەتى سياقتى تاعامداردىڭ دايىنداۋ ادىستەرى بەرىلىپ, تابيعي قازاق اسحاناسى تاماشا سيپاتتالادى.
باتىس جۋرناليستەرى الماتىداعى قازاقتىڭ ءداستۇرلى «Auyl», «Jinau», «Sandyq», «Tary» سىندى مەيرامحانالارىن مىسالعا الىپ, ۇلتتىق تاعامداردى زاماناۋي تاسىلمەن, جەرگىلىكتى دامدەۋىشتەرمەن شەبەر ۇيلەستىرەتىنىن دە ەگجەي-تەگجەيلى, اسەرلى سيپاتتايدى.
2025 جىلدىڭ العاشقى جارتىجىلدىعىندا الماتىعا كەلگەن يتاليالىق تۋريستەر سانى 2024 جىلدىڭ وسى كەزەڭىمەن سالىستىرعاندا 10,9%-عا وسكەن. بۇل مەگاپوليستىڭ تۋريستىك شاھار رەتىندە تانىمالدىلىعى مەن گاسترونومياسىنا دەگەن قىزىعۋشىلىعى ارتا تۇسكەنىن, حالىقارالىق باق پەن الەم تۋريستەرىنىڭ نازارىندا ەكەنىن كورسەتەدى.
