سۋرەت: primeminister.kz
ۆيتسە-پرەمەر تۇرىكمەنستان قازاقستاننىڭ ورتالىق ازياداعى ماڭىزدى ارىپتەسى ەكەنىن اتاپ ءوتتى. كەيىنگى بەس جىلدا ەكى ەل اراسىنداعى تاۋار اينالىمى ءتورت ەسە وسكەن, ال كەيىنگى ەكى جىلداعى ءوزارا ساۋدا تۇراقتى تۇردە 500 ملن دوللاردان اسىپ تۇر. مەملەكەت باسشىلارى العا قويعان تاۋار اينالىمىن 1 ملرد دوللارعا دەيىن جەتكىزۋ ماقساتىن ورتامەرزىمدى پەرسپەكتيۆادا ەركىن ورىنداۋعا بولادى.
كەلىسسوزدەردىڭ جەكە ءبىر بلوگى اۋىل شارۋاشىلىعى ونىمدەرىنىڭ ءوزارا ساۋداسىنا ارنالدى. 2025 جىلعى 9 ايدا تۇرىكمەنستانعا ەلىمىزدەن ەكسپورت نەگىزىنەن ونەركاسىپ, اۋىل شارۋاشىلىعى, قايتا وڭدەلگەن ونىمدەردى جەتكىزۋ ەسەبىنەن 221,7 ملن دوللاردى قۇراعان. 2025 جىلى ەكسپورت ۇن, وسىمدىك مايى, تاعى باسقا دا وڭدەلگەن تاۋارلاردىڭ كوبەيۋىنە بايلانىستى ءوستى.
ەكسپورتتاعى اگروونەركاسىپ تاۋارلارىنىڭ ۇلەسى تۇراقتى تۇردە 30%-دان اسادى. قازاقستان بيداي ۇنى, كۇنباعىس مايى, بيداي, ماكارون ونىمدەرى, مارگارين, شاي كونتسەنتراتتارىن جەتكىزەدى.
سەرىك جۇمانعارين تاۋارلاردى جەتكىزۋ كولەمىن ۇلعايتۋدى, سونداي-اق بيداي, جۇگەرى, جاسىمىق, بۇرشاق, سويا, كۇنباعىس مايى, ۇن, قانت جانە باسقا دا ونىمدەردەن تۇراتىن اگروونەركاسىپ ءونىمىنىڭ تۇرلەرىن كوبەيتۋدى ۇسىندى.
تۇرىكمەنستاننان يمپورت تا ءوسىپ وتىر. 2025 جىلعى 9 ايدا ول 141,9 ملن دوللارعا جەتتى. تابيعي گازدان باسقا جەمىستەر مەن كوكونىستەر دە جەتكىزىلەدى. 2025 جىلى قىزاناق كولەمى 30 مىڭ توننادان استى, ول – تۇرىكمەنستاننان كەلەتىن يمپورت قۇرىلىمىنداعى ەكىنشى ماڭىزدى تاۋار.
ء«بىز جەمىس-كوكونىس ونىمدەرىنىڭ ءبىزدىڭ نارىقتا بولعانىنا مۇددەلىمىز. سىزدەر جەتكىزەتىن بارلىق نارسە – قىزاناق, جەمىس, كوكونىستى ءبىز «جاسىل ءدالىز» اياسىندا قابىلداۋعا دايىنبىز», دەپ اتاپ ءوتتى س.جۇمانعارين.
كەزدەسۋدە كولىك-لوگيستيكالىق جوبالاردى دامىتۋعا ەرەكشە نازار اۋدارىلدى. حودجامىرات گەلديمىرادوۆ گەراتپەن شەكارادا قۇرعاق پورت قۇرىلىسىنىڭ باستالعانى تۋرالى حابارلادى جانە قازاقستاندى وسى جوباعا قوسىلۋعا شاقىردى.
تاراپتار سونداي-اق «گەرات – تۋرگۋندي» تەمىرجول جەلىسىنىڭ قۇرىلىسىن قوسا العاندا, قازاقستان – تۇرىكمەنستان – اۋعانستان – پاكىستان ترانزيتتىك ءدالىزىن قالىپتاستىرۋ پەرسپەكتيۆالارىن تالقىلادى. سەرىك جۇمانعارين مەن حودجامىرات گەلديمىرادوۆ بيزنەس ءۇشىن قوسىمشا مۇمكىندىكتەر جاساۋعا, ەلدەر اراسىنداعى ينتەگراتسيانى كەڭەيتە وتىرىپ, كولىك, ساۋدا جانە لوگيستيكالىق بايلانىستاردى دامىتۋ جونىندەگى جۇمىستى جالعاستىرۋعا نيەتتى ەكەنىن راستادى.
