سۋرەت: primeminister.kz
ر.سكليار «شەلل» كومپانياسىنىڭ ەلىمىزدىڭ دامۋىنا قوسقان ۇلەسىنىڭ ماڭىزدىلىعىن اتاپ ءوتىپ, ءوزارا ىنتىماقتاستىق 30 جىلدان استام ۋاقىتقا سوزىلعانىن, مۇناي-گاز سالاسىنداعى بىرقاتار ءىرى جوبالاردى قامتيتىنىن اتاپ ءوتتى. نەگىزگى جوبالاردىڭ قاتارىندا «شەلل» كونتسەرنىنىڭ قاراشىعاناق, قاشاعان سياقتى ماڭىزدى كەن ورىندارىن يگەرۋگە قاتىسۋى بار.
سيۋزانن كۋگان ءوز كەزەگىندە «شەلل» كومپانياسى قوسىمشا جاڭا جوبالارعا ينۆەستيتسيا سالۋعا مۇددەلى ەكەنىن اتاپ ءوتتى. ەلىمىزدىڭ مۇناي-گاز رەزەرۆتەرىن كەڭەيتۋگە ۇلەس قوسۋ ءۇشىن وسى سالادا قازاقستانمەن بەلسەندى ىنتىماقتاسۋعا دايىن ەكەنىن جەتكىزدى.
بىرلەسكەن جوبالاردى ودان ءارى دامىتۋ ماسەلەلەرىنە ەرەكشە نازار اۋدارىلدى. قازاقستان كومپانيانىڭ وزىق تەحنولوگيالارىن تارتۋعا جانە بىرلەسكەن جوبالاردى ىلگەرىلەتۋگە مۇددەلى.
كەزدەسۋدە ەكى تاراپ ءوزارا ءتيىمدى ىنتىماقتاستىقتى ودان ءارى كەڭەيتۋگە ءارى بىرلەسكەن جوبالاردى تابىستى جۇزەگە اسىرۋدى جالعاستىرۋعا سەنىمدى ەكەنىن ءبىلدىردى.
