سەنات توراعاسى ماۋلەن اشىمباەۆ اتاپ وتكەندەي, دەنە شىنىقتىرۋدى, بۇقارالىق جانە ينكليۋزيۆتى سپورتتى دامىتۋ, وسى باعىتتا قاجەتتى جاعداي جاساپ, ءتيىستى ينفراقۇرىلىمدى قامتاماسىز ەتۋ – مەملەكەتتىك ساياساتتىڭ باسىم باعىتتارىنىڭ ءبىرى. وسىلايشا Taldau Community ەلىمىزدە مەملەكەت باسشىسىنىڭ باستاماسىمەن اتالعان سالادا جۇزەگە اسىرىلىپ جاتقان كەشەندى وزگەرىستەردى دارىپتەۋگە بەلسەندى ۇلەس قوسىپ وتىر.
«پرەزيدەنت قاسىم-جومارت توقاەۆتىڭ تاپسىرماسىمەن بارلىق وڭىردە بۇقارالىق سپورت كەڭىنەن دارىپتەلىپ, قاجەتتى ينفراقۇرىلىممەن قامتاماسىز ەتۋ جۇمىستارى جۇرگىزىلىپ كەلەدى. سونىڭ اياسىندا دەنە شىنىقتىرۋ مەن سپورتتى دامىتۋدى كوزدەيتىن كەشەندى ءىس-شارالار دا ىسكە اسىپ كەلەدى. يگى داستۇرگە اينالعان Taldau Run-عا العاشقى وڭىرلىك جوبامىز – قاراعاندى تالداۋ مەكتەبىنىڭ تىڭداۋشىلارى دا قاتىسىپ وتىر. ءبىزدىڭ باستامامىز جىلدامدىق پەن ناتيجەنى انىقتايتىن جارىس ەمەس. بۇل – سالاماتتى ءومىر سالتى, ۇيلەسىمدى دامۋ, جۇدىرىقتاي جۇمىلۋ, ءوزارا قولداۋ, ۇنەمى ىزدەنۋ سياقتى قۇندىلىقتاردى دارىپتەيتىن قادام», دەپ م.اشىمباەۆ سپورتتىق ءىس-شارانى وتكىزۋگە قولداۋ كورسەتكەنى ءۇشىن استانا قالاسىنىڭ اكىمدىگىنە العىس ءبىلدىردى.
ايتا كەتەر جايت, بۇل جولى Taldau Run تالداۋ مەكتەبىنىڭ بەسىنشى لەگىنە وتىنىمدەر قابىلداۋدىڭ باستالۋىمەن تۇسپا-تۇس كەلدى. اتالعان جوباعا قاتىسقىسى كەلگەندەر ءوز وتىنىمدەرىن taldaucommunity@gmail.com پوشتاسىنا جىبەرۋگە بولادى.
تالداۋ مەكتەبى اياسىنداعى وقۋ داستۇرگە سايكەس كەلەسى جىلدىڭ قاڭتار ايىندا باستالىپ, سەگىز اپتاعا جالعاسادى. جوبا مەملەكەتتىك باسقارۋ, الەۋمەتتىك جانە گۋمانيتارلىق زەرتتەۋلەر, باق سياقتى سالالاردا تالداۋ, ساراپتاۋ تاسىلدەرىن جەتىلدىرۋگە ارنالعان.
