فوتو: اۋىل شارۋاشىلىعى مينيسترلىگى
جالپى ەل بويىنشا بارلىق تۇرلەرىن قوسا ەسەپتەگەندە ازىرلەنگەن 39,8 ملن توننا مال ازىعى – مالداردى قىس مەزگىلىندە ۇستاۋ تۇرعىسىندا جەتكىلىكتى.
اۋىل شارۋاشىلىعى مينيسترلىگىنىڭ مالىمەتىنشە, بىرقاتار وبلىستار ناۋقاندى جوعارى دەڭگەيدە وتكىزىپ, جوسپاردى ايتارلىقتاي ارتىعىمەن ورىنداعان: سولتۇستىك قازاقستان (147,1%), شىعىس قازاقستان (116,0%), الماتى (105,6%), جەتىسۋ (104,5%), اقتوبە (103,2%), قىزىلوردا (102,3%), ۇلىتاۋ (102,4%) وبلىستارى بار.
سەناج دايىنداۋ بويىنشا سولتۇستىك قازاقستان (163,5%), جامبىل (114,6%), قوستاناي (108,0%), الماتى (107,5%), پاۆلودار (105,0%), تۇركىستان (106,2%), جەتىسۋ (105,1%) وبلىستارى جوعارى كورسەتكىشكە قول جەتكىزدى.
مال ازىعى قازىرگى دەڭگەيدە ەلىمىزدىڭ مال شارۋاشىلىعى سەكتورىنىڭ قاجەتتىلىگىن تولىق قامتاماسىز ەتەدى. ياعني, 2025-2026 جىلدارعا قىسقى ماۋسىمدا مالدى قىستاتۋدى وڭتايلى وتكەرۋگە, جەمشوپ تاپشىلىعى تاۋەكەلدەرىن بارىنشا تومەندەتۋگە مۇمكىندىك بەرەدى.
