التى جىل بويى ءداستۇرلى تۇردە ۇيىمداستىرىلىپ كەلە جاتقان GASTRO ANTALYA حالىقارالىق فەستيۆالى – الەمنىڭ ۇزدىك اسپازدارى مەن كونديتەرلەرىن ءبىر الاڭعا جينايتىن, بەدەلى بيىك, ءباسى جوعارى دودا. بۇل فەستيۆال ءوز مارتەبەسىن باياعىدا-اق قالىپتاستىرعان. سوڭعى التى جىلدىڭ ىشىندە مۇندا 25 ەلدەن كەلگەن 4000-نان استام كاسىبي مامان مەن جاس شەبەرلەر باق سىناپ, تاجىريبە الماسىپ ۇلگەرگەن.
بيىل وسى ايتۋلى ءىس-شاراعا استانا قالاسى اكىمدىگىنىڭ تەحنولوگيالىق كوللەدجى مەن قوعامدىق تاماقتاندىرۋ جانە سەرۆيس كوللەدجىنىڭ اسپازشى ماماندارى مەن ستۋدەنتتەرى قاتىسىپ, جوعارى ناتيجەلەرىمەن كوزگە ءتۇستى.
تەحنولوگيالىق كوللەدجدىڭ وندىرىستىك وقىتۋ شەبەرى بايجىگىت بولىسحان مەن ستۋدەنت ءلاززات اسلانقىزى «ناۋبايحانا ءىسى» قۇزىرەتتىلىگى بويىنشا سىنعا ءتۇسىپ, حالىقارالىق دەڭگەيدە ءبىرىنشى ورىن يەلەندى.
ال تەحنولوگيالىق كوللەدج بەن قوعامدىق تاماقتاندىرۋ جانە سەرۆيس كوللەدجىنىڭ جاس شەبەرلەرى –ماناس سقاق پەن ەسكەندىر سالىقوۆ وزدەرىنىڭ كاسىبي بىلىكتىلىگىن دالەلدەپ, ەكى التىن, ەكى كۇمىس مەدالعا يە بولدى.
