فوتو: اشىق دەرەككوز
ايتا كەتەيىك, قاشىقتان وقىتۋ تەك ناقتى قاجەتتىلىك تۋىنداعان جاعدايدا ەنگىزىلەدى.
«تەك سىنىپتاعى وقۋشىلاردىڭ 30 پايىزدان استامى دەنساۋلىق جاعدايىنا بايلانىستى ساباققا قاتىسپاعان جاعدايدا عانا بالالار مەكتەپكە كەلمەيدى. قازىرگى ۋاقىتتا 415 باستاۋىش سىنىپتارى ونلاين وقۋدا, بۇل – 6 692 وقۋشى. سونداي-اق, 5-11 سىنىپتارداعى 577 سىنىپ قاشىقتان ءبىلىم الىپ جاتىر», دەلىنگەن حابارلامادا.
بۇعان دەيىن 7 وبلىستا بالالار اراسىندا جرۆي مەن تۇماۋ ءورشىپ, 132 مەكتەپ ۋاقىتشا قاشىقتان وقىتۋ فورماتىنا كوشكەن ەدى.
ال, 20 قاراشادان باستاپ قوستاناي, رۋدنىي قالالارى مەن التىنسارين, قوستاناي اۋداندارىندا 29 مەكتەپتىڭ جەكەلەگەن سىنىپتارى دا قاشىقتان وقي باستاعان.
سونىمەن قاتار پاۆلودار وبلىسى بويىنشا 150 سىنىپتىڭ وقۋشىلارى قاشىقتان وقۋعا كوشىرىلدى.
دەنساۋلىق ساقتاۋ مينيسترلىگى سوڭعى اپتادا وقۋشىلار اراسىندا 6 مىڭنان استام جرۆي وقيعاسى تىركەلگەنىن حابارلادى. بۇل – ەلدەگى بارلىق ناۋقاستاردىڭ شامامەن 4%-ى.
