فوتو: Oqu-agartu ministrligi
حالىقارالىق تاجىريبە كورسەتىپ وتىرعانداي, جي-ءدى تابىستى ەنگىزۋ ءۇشىن ءۇش نەگىزگى فاكتور ماڭىزدى سانالادى, ولار: ۇستازداردىڭ جوعارى بىلىكتىلىگى, قاتاڭ ەتيكالىق ستاندارتتار جانە قوعامنىڭ تەحنولوگيالارعا دەگەن سەنىمى.
«قازاقستان ءبىلىم بەرۋ جۇيەسىنە جي ينتەگراتسياسىنىڭ ۇلتتىق مودەلىن جاساپ جاتىر. ول ەتيكالىق, قاۋىپسىز, پەداگوگيكالىق نەگىزدەلگەن جانە وقۋشىلار مەن ۇستازداردىڭ الەۋەتىن بارىنشا اشۋعا باعىتتالعان. نەگىزگى ماقسات – جاڭا تەحنولوگيالاردى سانالى تۇردە قولدانۋ, ادامنىڭ ءرولىن ساقتاۋ جانە بارلىق پروتسەستەردىڭ اشىقتىعىن قامتاماسىز ەتۋ», دەيدى ورتا ءبىلىم كوميتەتى توراعاسىنىڭ ورىنباسارى زەينەپ ماقسۇتوۆا.
وقۋ-اعارتۋ مينيسترلىگىنىڭ مالىمەتىنشە, ۇلتتىق مودەلدى ازىرلەۋ تۇرعىسىندا ەستونيا, وڭتۇستىك كورەيا, اقش سەكىلدى ەلدەردىڭ تاجىريبەلەرى زەردەلەنىپ, حالىقارالىق بەدەلدى ۇيىمداردىڭ ۇسىنىمدارى ەسكەرىلدى.
