قوناقتارعا ۇلتتىق ءداستۇردى پاش ەتۋ ماقساتىندا بىرنەشە كيىز ءۇي تىگىلدى. كيىز ۇيلەر قازاق ويۋ-ورنەكتەرىمەن, تۇرمىستىق بۇيىمدارىمەن بەزەندىرىلىپ, قوناقتارعا قازاق مادەنيەتى مەن سالت-ءداستۇرى تانىستىرىلدى.
دەلەگاتسيا وكىلدەرى ۇلتتىق مۋزىكالىق اسپاپتاردى تىڭداپ, ءداستۇرلى قولونەر جارمەڭكەسىن تاماشالادى. زەرگەرلىك بۇيىمدار, توقىماشىلىق ونىمدەرى, اعاش جانە بىلعارىدان جاسالعان بۇيىمدار, كەستەلەۋ ونەرىنىڭ تۋىندىلارى, كەلگەن قوناقتار بىرقاتار كادەسىيلاردى ەستەلىككە ساتىپ الدى.
پرەزيدەنت الار كاريس پەن جۇبايى «اسىق اتۋ» ۇلتتىق ويىنىن ويناپ, ونىڭ بالالاردىڭ قوزعالىس داعدىلارىن دامىتۋعا تيگىزەر پايداسىنا قانىقتى. اتشابار الاڭىندا «قىز قۋ», «تەڭگە ءىلۋ», «كوكپار», «اۋدارىسپاق» سياقتى ۇلتتىق ات سپورتى ويىندارى كورسەتىلىپ, قوناقتار قازاقتىڭ ەرلىك ءداستۇرى مەن جىلقى باپتاۋ مادەنيەتىنە قانىقتى.
ەستون دەلەگاتسياسى قازاق حالقىنىڭ قوناقجايلىلىعى مەن مادەني مۇراسىنا ءتانتى بولىپ, ءىس-شارا ەكى ەل اراسىنداعى مادەني بايلانىستاردى نىعايتۋعا سەپتىگىن تيگىزەتىنىن ايتتى.
