مەديا وكىلى حالىقارالىق باسىلىمدارمەن بەلسەندى ىنتىماقتاسىپ, ەۋروپالىق وقىرمانعا ەلىمىزدى تانىستىرادى.
– قازاقستان ءوزىنىڭ تابيعاتىمەن, قوناقجايلىلىعىمەن, دامۋعا دەگەن ۇمتىلىسىمەن تەرەڭ اسەر قالدىردى. مەن بۇل ەل تۋرالى ەۋروپادا مۇمكىندىگىنشە كوپ ادام بىلگەنىن قالايمىن, – دەپ اتاپ ءوتتى دەريا سويسال.
2018 جىلى «Kazakh Tourism» ەلىمىزگە تۋريستىك باعىت رەتىندە حالىقارالىق قىزىعۋشىلىقتى ارتتىرۋعا باعىتتالعان «تۋريزم ەلشىسى» باعدارلاماسىن قولعا الدى. وعان شەتەلدىك تۋريزم يندۋسترياسى, مادەنيەت پەن ءبىلىم سالاسىنىڭ وكىلدەرى, مەديا, تسيفرلىق كەڭىستىكتەگى ماماندار قوسىلىپ جاتىر. بۇعان دەيىن قۇرمەتتى ميسسيانى ايگىلى ءانشى ديماش قۇدايبەرگەن, جاپون بلوگەرى يۋدزي ناتسۋما, قىتايدىڭ ينفليۋەنسەرى تاوتاو قابىلدادى.
