فوتو: istockphoto.com
بيىكتىگى 12 مەتر, جالپى اۋماعى 1 320 شارشى مەتردى قامتيتىن جاڭا سپورت زالىندا قازاق كۇرەسىمەن بىرگە دزيۋدو, ەركىن كۇرەس, گرەك-ريم كۇرەسى جانە سامبو سەكىلدى ءتۇرلى كۇرەس تۇرلەرىمەن كاسىبي دەڭگەيدە شۇعىلدانۋعا مۇمكىندىك بار. كەڭ ءارى جارىق عيمارات حالىقارالىق تالاپتارعا ساي جابدىقتالىپ, جاتتىعۋلار مەن ءارتۇرلى دەڭگەيدەگى جارىستاردى وتكىزۋگە تولىقتاي بەيىمدەلگەن.
جوبا اياسىندا سپورت زالىن سالۋعا جانە ونى زاماناۋي قۇرال-جابدىقتارمەن قامتاماسىز ەتۋگە 200 ملن تەڭگە كولەمىندە ينۆەستيتسيا تارتىلعان. بۇل قاراجات عيماراتتى تۇرعىزۋ, ونى تولىق جابدىقتاۋ جانە بارلىق ساناتتاعى تۇرعىندار ءۇشىن قولجەتىمدى ءارى ينكليۋزيۆتى ورتا قالىپتاستىرۋعا باعىتتالدى.
مۇندا بالالار مەن جاسوسپىرىمدەر ءۇشىن تۇراقتى جانە تەگىن سپورت سەكتسيالارى قاراستىرىلعان. بۇل بالقاش جاستارىنىڭ سپورتپەن جۇيەلى تۇردە اينالىسۋىنا, دەنە شىنىقتىرۋ مادەنيەتىن قالىپتاستىرۋعا جانە بولاشاق چەمپيونداردىڭ شىعۋىنا مۇمكىندىك بەرەدى. جاقىن ۋاقىتتاردا جاڭا زال بازاسىندا ءتۇرلى دەڭگەيدەگى جارىستار مەن سپورتتىق-مادەني ءىس-شارالار ۇيىمداستىرۋ جوسپارلانىپ وتىر.
