ول ءۇش جىلدىق بيۋدجەتتى ازىرلەۋ كەزىندە ەلدىڭ الەۋمەتتىك-ەكونوميكالىق دامۋىنىڭ 10 جىلدىق بولجامى جاسالعانىن جانە ول ءار 3 جىل سايىن جاڭارتىلىپ وتىراتىنىن ايتتى.
بۇل – فيسكالدىق جانە مونەتارلىق ساياساتتاردىڭ ءوزارا بايلانىسىن قامتاماسىز ەتەتىن نەگىزگى ەلەمەنت. ودان بولەك بيۋدجەتتىك شولۋ قورىتىندىسى بويىنشا 68 ملرد تەڭگە وڭتايلاندىرىلدى, بۇل رەتتە مەملەكەتتىك قىزمەتتەردىڭ ساپاسىنا نۇقسان كەلگەن جوق.
اكىمشىلىك شىعىستاردىڭ ۇلەسى 15%-دان 12%-عا دەيىن تومەندەتىلدى. بيۋدجەتتىك شولۋ ناتيجەلەرى مەن وڭتايلاندىرۋ جونىندەگى شەشىمدەر اشىق اقپارات كوزدەرىندە جاريالانعان.
«ينۆەستيتسيالىق تارتىپكە كوشۋ ناتيجەسىندە تيىمدىلىگى راستالماعان جوبالار بيۋدجەتتەن الىنىپ تاستالدى, جەتكىلىكسىز قارجىلاندىرۋ تاۋەكەلدەرى ازايتىلىپ, رەسۋرستار شىن مانىندە باسىمدىققا يە كۇردەلى جوبالارعا باعىتتالدى», دەپ اتاپ ءوتتى ابزال بەيسەنبەك ۇلى.
