فوتو: ۇكىمەت, تەلەگرام
ۇكىمەت جالپى ىشكى ءونىم ء(جىو) كولەمىنەن ەكونوميكالىق ءوسۋ ساپاسىنا نازار اۋدارا وتىرىپ, ەلدىڭ دامۋىن باعالاۋدىڭ جاڭا مودەلىنە كوشىپ جاتىر.
س.جۇمانعاريننىڭ ايتۋىنشا, ءوسۋدى قامتاماسىز ەتۋدە ادامي كاپيتال, نەگىزگى كاپيتال, تابيعي رەسۋرستار, ەڭبەك ونىمدىلىگى جانە تەحنولوگيالار سياقتى ماڭىزدى فاكتورلاردىڭ ۇلەسى ەسكەرىلەتىن بولادى. وسىعان بايلانىستى الەۋەتتى جالپى ىشكى ءونىم بويىنشا ەكونوميكالىق ءوسۋدىڭ دەكومپوزيتسيالانۋى ەنگىزىلىپ جاتىر, بۇل ەكونوميكانىڭ ناقتى نەدەن ءوسىپ جاتقانىن تۇسىنۋگە مۇمكىندىك بەرەدى.
ءوسۋدىڭ ەڭ ماڭىزدى فاكتورى «جيىنتىق ونىمدىلىك» بولىپ وتىر. ول ەكونوميكالىق ءونىمدى قۇرۋ پروتسەسىندە ەڭبەك پەن كاپيتال سياقتى بارلىق ءوندىرىس فاكتورلارىن پايدالانۋ تيىمدىلىگىن ولشەيدى.
جيىنتىق ونىمدىلىكتىڭ ءوسۋى تيىمدىلىكتىڭ جاقسارعانى مەن تەحنولوگيالىق پروگرەستى كورسەتەدى. ستاتيستيكاعا سۇيەنسەك, 2001-2024 جىلدار ارالىعىندا ءوندىرىس تيىمدىلىگى ەكونوميكانىڭ نەگىزگى قوزعاۋشى كۇشى بولعان.
«ەڭبەك ونىمدىلىگىن, ءتيىمدى جۇمىسپەن قامتۋدى جانە كاپيتالدىڭ تەحنولوگيالىق دەڭگەيىن ارتتىرۋ ارقىلى ۇزاقمەرزىمدى وندىرىستىك قابىلەتتىلىكتى جوعارىلاتۋعا باسىمدىق بەرىلەدى. بۇل ءوز كەزەگىندە جالپى ىشكى ءونىم ءوسۋى مەن جالاقىنىڭ ارتۋى اراسىنداعى الشاقتىقتى بىرتىندەپ جويۋعا الىپ كەلەدى», دەدى سەرىك جۇمانعارين.
