ەل ەكونوميكاسى قانشالىقتى ءوستى؟

 بيىل قازاقستان ەكونوميكاسى تۇراقتى ساپالى ءوسىم كورسەتىپ وتىر. وسى جىلدىڭ 10 ايىنىڭ قورىتىندىسى بويىنشا ەكونوميكانىڭ ءوسۋى 6,4%-دى قۇرادى. بۇل تۋرالى ۇكىمەت وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى.

ونىڭ مالىمەتتەرى بويىنشا, ناقتى سەكتورداعى ءوسۋ قارقىنى 8,2%-دى قۇرادى, ال قىزمەت كورسەتۋ ءوندىرىسى 5,3%-عا ءوستى. سالالار اراسىندا كولىك قىزمەتتەرى ء(وسىم 20,7%-عا), قۇرىلىس (15,1%-عا) جانە تاۋ-كەن ونەركاسىبى (9,6%-عا) ەڭ جوعارى ءوسىمدى كورسەتەدى. ساۋدا – 9%-عا, وڭدەۋ ونەركاسىبى – 5,8%-عا, اۋىل شارۋاشىلىعى – 5,4%-عا ءوستى.

باياندامادا وڭدەۋ ونەركاسىبىنە ەرەكشە نازار اۋدارىلدى, وندا جالپى ءوسىم 5,8%-دى قۇرادى. وڭدەۋ ونەركاسىبىندە ماشينا جاساۋدا ءوڭدىرىستىڭ 11,5%-عا, ونىڭ ىشىندە اۆتوموبيل جاساۋدا – 13,3%-عا, تاماق ونىمدەرىندە – 9,1%-عا, سۋسىنداردا – 8,7%-عا, حيميا ونەركاسىبىندە – 10,9%-عا, مۇناي وڭدەۋدە – 6,3%-عا, مەتالل بۇيىمدارىندا – 14,1%-عا ءوسۋى قامتاماسىز ەتىلدى.

2026-2028 جىلدارى ەكونوميكا جىلىنا ورتا ەسەپپەن 5%-دان تومەن ەمەس دەڭگەيدە وسەتىن بولادى

«ساپالى ەكونوميكالىق ءوسىمدى قامتاماسىز ەتۋ ءۇشىن شيكىزاتتىق ەمەس سەكتورلاردى دامىتۋعا, ەڭبەك ونىمدىلىگىن ارتتىرۋعا, ەكونوميكانى تەحنولوگيالىق جاڭارتۋعا جانە تسيفرلاندىرۋعا باسا نازار اۋدارىلاتىن بولادى. جىل سايىن وڭدەۋ ونەركاسىبى مەن اوك-دە 100-دەن استام ينۆەستيتسيالىق جوبانى ىسكە قوسۋ جوسپارلانۋدا. مەتاللۋرگيا, ماشينا جاساۋ, مۇناي-گاز حيمياسى جانە اوك-دە جوعارى قايتا ءبولۋدىڭ 17 ءىرى جوباسىن جۇزەگە اسىرۋ جالعاسۋدا. 2029 جىلعا دەيىن ۇلتتىق ينفراقۇرىلىمدىق جوسپاردى جۇزەگە اسىرۋ ماڭىزدى ءرول اتقاراتىن بولادى. بەلسەندى كەزەڭگە ەنەرگەتيكالىق جانە كوممۋنالدىق سەكتورلاردى جاڭعىرتۋ جونىندەگى ۇلتتىق جوبانى جۇزەگە اسىرۋ كىرەدى», دەپ اتاپ ءوتتى سەرىك جۇمانعارين.