جاراقاتىنا بايلانىستى استاناعا كەلە الماعانىنا قاراماستان, الەمنىڭ ۇزدىك قاقپاشىلارىنىڭ ءبىرى 2019 جىلى بەرگەن ۋادەسىن ورىندادى. ول ارنايى تىگىلگەن, ءوز ەسىمى جازىلعان COURTOIS ماركالى قاقپاشى قولعابىن قازاقستانعا جولدادى.
ۇلتتىق قۇرامانىڭ مەديا وفيتسەرى سەيىل قوجاتايدىڭ ايتۋىنشا, التى جىل بۇرىن بريۋسسەلدەگى ماتچ كەزىندە ول كۋرتۋادان قولعابىن سۇراعان, الايدا فۋتبولشى ول ساتتە باسقا جانكۇيەرگە ۋادە ەتكەنىن ايتىپ, كەشىرىم سۇراعان. بيىل بەلگياداعى كەزدەسۋدە سول اڭگىمەنى قايتا ەسكە سالعاندا, قاقپاشى: «استانادا بەرەمىن» دەپ ۋادە ەتكەن.
كۋرتۋا جاراقاتىنا بايلانىستى قازاقستانعا كەلە الماسا دا, ۋادەسىندە تۇرىپ, قولعابىن كوماندا وكىلى رۋدي ارقىلى بەرىپ جىبەرگەن.
سپورت ماماندارىنىڭ پىكىرىنشە, بۇل ارەكەت الەمدىك دەڭگەيدەگى سپورتشىلاردىڭ قاراپايىمدىلىعى مەن جانكۇيەرگە دەگەن قۇرمەتىن كورسەتەدى. اشىق دەرەككە قاراعاندا, قولعاپ جاقىن كۇندەرى قازاقستان قۇراماسىنىڭ شتاب-پاتەرىنە جەتكىزىلەدى.
