جەكە كاسىپكەرلەردىڭ باستاماسىمەن قالا اۋماعىندا ەكى ۇلكەن مۇز الاڭى سالىنادى. ءبىرىنشى مۇز ايدىنى بايتۇرسىنوۆ كوشەسى بويىنداعى سپورت سارايى جانىندا ورنالاسادى. مۇز الاڭىنىڭ كولەمى – 550 شارشى مەتر. اي سايىن كەلۋشىلەر سانى شامامەن 20-30 مىڭ ادامعا جەتەدى دەگەن بولجام بار. ەكىنشى مۇز ايدىنى اربات اللەياسىندا بوي كوتەرەدى. ونىڭ جالپى اۋدانى 1 830 شارشى مەتردى قۇرايدى. بۇل مۇز ايدىنىنا اي سايىن كەلۋشىلەر سانى 50-60 مىڭ ادام شاماسىندا بولادى دەگەن جوسپار بار.
جاڭا جوبا ءبىرىنشى كەزەكتە قالا تۇرعىندارى مەن قوناقتارىنا قولايلى ءارى قاۋىپسىز قىسقى دەمالىستارىن ۇيىمداستىرىپ بەرۋگە باعىتتالسا, ەكىنشىدەن مۇز ايدىندارى مەگاپوليستىڭ سپورتتىق جانە مادەني ومىرىندەگى ەلەۋلى جاڭالىقتىڭ ءبىرى بولماق.
