«مەن ءۇشىن ءبىلىم ورداسىنىڭ ديرەكتورى بولۋ – ۇلكەن جاۋاپكەرشىلىك. مەكتەپ 1 500 بالاعا ارنالعان, الايدا بيىل وقۋشى سانى 3 000-عا دەيىن جەتەدى دەپ بولجاپ وتىرمىز. مەنىڭ باستى ماقساتىم – بۇل مەكتەپتى وڭىردەگى ۇزدىك ءبىلىم بەرۋ وردالارىنىڭ برەندىنە اينالدىرۋ. ال مەكتەبىمىزدىڭ ميسسياسى – ساپالى ءبىلىم مەن ۇلتتىق رۋحتى سىيلاي الۋ», دەيدى ليۋبوۆ نام.
ليۋبوۆ نام قازاق ءتىلىن جەتىك مەڭگەرگەن. ونىڭ ايتۋىنشا, 5-سىنىپقا دەيىن قازاقشا مۇلدە سويلەي الماعان. تالابى تاۋداي ورەننىڭ ءتىلدى ۇيرەنۋگە ىنتاسىن وياتقان قازاق ءتىلى مەن ادەبيەتى ءپانىنىڭ مۇعالىمى رايحان كەنجەبايقىزى ەكەن.
«جالپى, مەن 5-سىنىپقا دەيىن قازاق ءتىلىن مۇلدەم بىلمەدىم. كەيىن قازاق ءتىلى مەن ادەبيەتى ءپانى مۇعالىمى رايحان كەنجەبايقىزىنىڭ ەرەكشە ەڭبەگىنىڭ ارقاسىندا ءتىلدى تەرەڭ مەڭگەرىپ شىقتىم. وقۋشى كەزىمدە قازاق تىلىنە دەگەن قىزىعۋشىلىعىم, ەلگە دەگەن سۇيىسپەنشىلىگىم ارتا ءتۇستى. سول ەڭبەكتىڭ ناتيجەسىندە مەكتەپىشىلىك, وبلىستىق جانە رەسپۋبليكالىق قازاق ءتىلى وليمپيادالارىندا, اباي وقۋلارىندا جۇلدەلى ورىندارعا يە بولدىم. وسى تاباندىلىعىم مەن ەڭبەكقورلىعىمنىڭ ارقاسىندا بۇگىنگى جەتىستىكتەرىمە جەتتىم», دەيدى ليۋبوۆ نام.
