سۋرەت: gfss.kz
قولدانىستاعى زاڭناماعا سايكەس جۇمىستان بوساتىلعان ازاماتتار مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە, سونداي-اق كەيىنگى ەكى جىلداعى تابىسىنا بايلانىستى 6 ايعا دەيىن جۇمىسىنان ايىرىلۋىنا بايلانىستى الەۋمەتتىك تولەمدەر الادى. تولەم جوعالعان كىرىستىڭ 45%-ىنا دەيىنگى مولشەردە ماسق قاراجاتى ەسەبىنەن اۋدارىلادى. تولەم تاعايىنداۋ ءۇشىن جۇمىستان بوساتىلعان جۇمىسكەر eGov.kz پورتالىندا اۆتوريزاتسيادان وتۋگە ءتيىس. «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىن تاڭدايدى. ونلاين-قىزمەتكە تاپسىرىس بەرىپ, قاجەتتى مالىمەتتەرىن جۇكتەپ, ەتسق ارقىلى قول قويىپ, ءوتىنىمدى جىبەرۋى قاجەت. جۇمىسىنان ايىرىلعان ازامات ءوتىنىش جولداعاننان كەيىن ءبىر كۇن ىشىندە تۇرعىلىقتى جەرىندەگى مانساپ ورتالىعى بوس جۇمىس ورىندارىن ۇسىنادى. ەگەر جۇمىس تابىلماسا, 3 جۇمىس كۇنى ىشىندە قاشىقتىقتان جۇمىسسىز مارتەبەسىن الادى. بۇل قىزمەتتى ونلاين رەجىمدە ەلەكتروندىق ەڭبەك بيرجاسى (enbek.kz) ارقىلى دا الۋعا بولادى.
جۇمىسسىز رەتىندە تىركەلۋ تۋرالى مالىمەتتەردى ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەسى پرواكتيۆتى فورماتتا قارايدى. ماسق-تان تولەمدى تاعايىنداۋعا جۇمىسىنان ايىرىلعان ازاماتتىڭ كەلىسىمىن الۋ ءۇشىن ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.
ماسق قاراجاتى ەسەبىنەن جۇمىستان ايىرىلعان جاعدايدا تولەنەتىن الەۋمەتتىك تولەم جۇمىستان شىعۋ سەبەپتەرىنە قاراماستان جۇزەگە اسىرىلادى.
