2025 جىلدىڭ باسىنان بەرى ءىىم «دارمەك» جەدەل-پروفيلاكتيكالىق ءىس-شاراسىنىڭ ءۇش كەزەڭىن وتكىزدى. ونىڭ اياسىندا ەسىرتكى قىلمىسىنا قارسى ءىس-قيمىل كوميتەتىنىڭ قىزمەتكەرلەرى مەديتسينالىق مەكەمەلەر مەن جەكە ءدارىحانالاردى تەكسەردى. نەگىزگى نازار مەملەكەتتىك باقىلاۋعا جاتاتىن پرەپاراتتاردى ساقتاۋ, ەسەپكە الۋ جانە ساتۋ ەرەجەلەرىنىڭ ساقتالۋىنا اۋدارىلدى.
– 1200 مەديتسينالىق مەكەمە تەكسەرىلدى. ناتيجەسىندە كوپتەگەن زاڭبۇزۋشىلىقتار انىقتالدى, ونىڭ ىشىندە كۇشتى اسەر ەتەتىن دارىلەردى رەتسەپتىسىز ساتۋ فاكتىلەرى بار. تەكسەرۋ قورىتىندىسى بويىنشا 1000-نان استام ماتەريال جاسالىپ, كىنالى تۇلعالاردى اكىمشىلىك جاۋاپكەرشىلىككە تارتۋ ءۇشىن دەنساۋلىق ساقتاۋ مينيسترلىگىنىڭ اۋماقتىق مەديتسينالىق جانە فارماتسەۆتيكالىق باقىلاۋ دەپارتامەنتتەرىنە جولداندى, – دەدى ءىىم ەسىرتكى قىلمىسىنا قارسى ءىس-قيمىل كوميتەتى باسقارماسىنىڭ باستىعى باقىتجان ءامىرحانوۆ.
جالپى ايىپپۇل سوماسى 150 ميلليون تەڭگەدەن استى.
ءامىرحانوۆتىڭ ايتۋىنشا, 2026 جىلدىڭ 1 قاڭتارىنان باستاپ كۇشتى اسەر ەتەتىن زاتتاردىڭ زاڭسىز اينالىمى ءۇشىن قىلمىستىق جاۋاپكەرشىلىك ەنگىزىلەدى. ول قولدانىستاعى زاڭ تالاپتارىن قاتاڭ ساقتاۋ قاجەتتىگىن ەسكە سالدى.
