جاستاردىڭ شىعارماشىلىق, زياتكەرلىك جانە الەۋمەتتىك الەۋەتىن اشۋعا باعىتتالعان كەشەندى ءىس-شارالار ستۋدەنتتەردىڭ تىكەلەي قاتىسۋىمەن جۇزەگە اسىرىلىپ, ولاردىڭ باستاماشىلدىعىن جانە ازاماتتىق ۇستانىمىن ايقىن كورسەتتى.
قالاداعى 35 جوعارى وقۋ ورنىندا 150-دەن استام ءىس-شارا ءوتىپ, 40 مىڭنان استام ستۋدەنتتى قامتىعان. شىعارماشىلىق كەشتەر, ينتەللەكتۋالدىق ويىندار, سپورتتىق جانە ەكولوگيالىق اكتسيالار, قايىرىمدىلىق باستامالاردىڭ ءاربىرىنىڭ وزىندىك تاقىرىپتىق باعىتى بولدى.
«زاڭ جانە ءتارتىپ», «تازا قازاقستان» اكتسيالارى اياسىندا Taza Campus چەللەندجى, StudSport وليمپيادا جۇلدەگەرلەرىنىڭ دارىستەرى, Jas IQ زياتكەرلىك ويىندارى, كينوكورسەتىلىمدەر مەن اكۋستيكالىق كەشتەر ءوتتى. سونىمەن بىرگە «الماتىنىڭ ۇزدىك ستۋدەنتتىك توبى» انىقتالىپ, بايقاۋدىڭ جۇلدە قورى 1 ميلليون تەڭگە بولدى.
ايتا كەتەيىك, شاھارداعى 35 جوعارى وقۋ ورنىندا 210 مىڭنان استام ستۋدەنت ءبىلىم الىپ ءجۇر. الماتى ەلدەگى ەڭ ءىرى ءبىلىم بەرۋ ورتالىعى, جاس بۋىندى جاڭا بەلەسكە ىنتالاندىراتىن ءبىلىم قالاسى.
