قىزىلوردا وبلىسىندا اۋدان اكىمى تاعايىندالدى

استانا. 24 ماۋسىم. وبلىس اكىمىنىڭ وكىمىمەن سۇلتان ىسقاق ۇلى ماقاشوۆ قارماقشى اۋدانىنىڭ اكىمى بولىپ تاعايىندالدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى. تاعايىنداۋ بارىسىندا ايماق باسشىسى قىرىمبەك كوشەرباەۆ جاڭا اكىمنىڭ جۇمىسىنا ساتتىلىك تىلەدى. اۋداننىڭ الەۋمەتتىك-ەكونوميكالىق دامۋىنا سۇبەلى ۇلەس قوسىپ, قاجىرلى ەڭبەك ەتەتىنىنە سەنىم ءبىلدىردى. ماقاشوۆ سۇلتان ىسقاق ۇلى 1961 جىلى دۇنيەگە كەلگەن. 1983 جىلى قازاق حيميا-تەحنولوگيالىق ينستيتۋتىن جانە 2001 جىلى قىزىلوردا ەكونوميكا, ەكولوگيا جانە قۇقىق ۋنيۆەرسيتەتىن بىتىرگەن. ينجەنەر-قۇرىلىسشى جانە زاڭگەر بىلىكتىلىكتەرى بار. ەڭبەك جولىن 1978 جىلى قازالى اۋدانى جاڭاقازالى كوممۋنالدىق كاسىپورىندار كومبيناتىندا سلەسار رەتىندە باستاعان. 1984-1992 جىلدارى - قازالى اۋداندىق № 86 جىلجىمالى مەحانيكالاندىرىلعان كولوننادا بريگادير, شەبەر, اعا پروراب بولىپ جۇمىس جاساعان. 1992-1995 جىلدارى № 2 ازاماتتىق قۇرىلىس مەكەمەسىندە باس ينجەنەر, «كازالينسكۆودستروي» ترەسىنىڭ № 86 جىلجىمالى مەحانيكالاندىرىلعان كولوننانىڭ جوسپارلاۋ ءبولىمىنىڭ باستىعى بولىپ ەڭبەك ەتكەن. 1995-2012 جىلدارى قازالى اۋدانى اكىمى اپپاراتىنىڭ ۇيىمداستىرۋ-ينسپەكتورلىق ءبولىمىنىڭ باس ينسپەكتورى, اتالعان اۋدانىنىڭ باس ساۋلەتشىسى, «قىزىلوردا وبلىسى بويىنشا جىلجىمايتىن م ۇلىك ورتالىعى» رمقك قازالى فيليالىنىڭ ديرەكتورى قىزمەتتەرىندە جۇمىس جاساعان. 2012 جىلدان وسى كەزگە دەيىن قازالى اۋدانى اكىمىنىڭ ورىنباسارى بولىپ قىزمەتىن اتقارعان. تالعات رايىمبەك. دەرەك, سۋرەت: وبلىس اكىمدىگىنىڭ ءباسپاسوز قىزمەتى.