الايدا ەلدىڭ باتىسى, سولتۇستىك-باتىسى جانە سولتۇستىگى ارقىلى اتموسفەرالىق فرونتتاردىڭ وتۋىنە بايلانىستى جاڭبىر مەن قار تۇرىندەگى جاۋىن-شاشىن, سونداي-اق كوكتايعاق كۇتىلەدى. سولتۇستىك-باتىستا بۇرقاسىن بولجانادى, بۇل جول بويىندا قيىندىق تۋدىرۋى مۇمكىن.
رەسپۋبليكا بويىنشا سينوپتيكتەر تۇمان تۋرالى ەسكەرتۋ جاسادى. تۇمان اسىرەسە, سولتۇستىكتە, سولتۇستىك-باتىستا, شىعىستا جانە وڭتۇستىك-شىعىستا ىقتيمال. سونداي-اق اتالعان اۋماقتاردا جەل كۇشەيىپ, جوعارى ەكپىنمەن سوعۋى مۇمكىن.
قازاقستاننىڭ تجم جۇرگىزۋشىلەر مەن جاياۋ جۇرگىنشىلەرگە جولدا ساق بولۋدى, جىلدامدىقتى جانە قاشىقتىقتى ساقتاۋدى, سونداي-اق ساپاردى جوسپارلاۋ كەزىندە اۋا رايى جاعدايلارىن ەسكەرۋدى ۇسىنادى. تۇمانى قالىڭ جانە كوكتايعاق ءجيى بولاتىن ءوڭىر تۇرعىندارىنا ۇزاق ساپارلاردان باس تارتۋعا جانە قوسىمشا قاۋىپسىزدىك شارالارىن پايدالانۋعا كەڭەس بەرىلدى.
