بۇل كاسىبي مەرەكە 1988 جىلدان باستاۋ الادى. سول جىلى كسرو جوعارعى كەڭەسى پرەزيديۋمىنىڭ جارلىعىمەن قاراشانىڭ ءۇشىنشى جەكسەنبىسى اۋىل شارۋاشىلىعى جانە قايتا وڭدەۋ ونەركاسىبى قىزمەتكەرلەرىنىڭ كۇنى بولىپ جاريالانعان. تاۋەلسىزدىك العاننان كەيىن قازاقستان بۇل ءداستۇردى ساقتاپ, 1998 جىلى مەرەكە كۇنىن زاڭ جۇزىندە بەكىتتى.
بۇل مەرەكە باسقا ەلدەردە دە بار. مىسالى, بەلارۋستا ول اپك اۋىل شارۋاشىلىعى جانە قايتا وڭدەۋ ونەركاسىبى قىزمەتكەرلەرىنىڭ كۇنى رەتىندە بەلگىلى, ال ۋكراينادا اۋىل شارۋاشىلىعى قىزمەتكەرلەرى كۇنى رەتىندە اتالىپ وتەدى.
اگرارلىق سەكتور ەل ەكونوميكاسىندا ماڭىزدى ورىن الادى. اۋىل شارۋاشىلىعى ءوندىرىسىنىڭ نەگىزىن ەگىنشىلىك پەن مال شارۋاشىلىعى قۇرايدى. قازاقستان ەڭ الدىمەن قاتتى سۇرىپتى بيداي وسىرۋمەن تانىمال.
ءداندى داقىلداردان بولەك, ەلدە مال ازىعى جانە تەحنيكالىق داقىلدار – كۇنباعىس, زىعىر, ماقتا وسىرىلەدى, سونداي-اق باقشا جانە جەمىس ءوسىرۋ شارۋاشىلىعى دامىپ كەلەدى.
