پرەزيدەنتتەرگە ورتالىق يسلام وركەنيەتىنىڭ ءبىر بولشەگى سانالاتىن وزبەكستاننىڭ باي مادەني-رۋحاني مۇراسىن تەرەڭ زەرتتەۋ جانە ناسيحاتتاۋ ماقساتىندا قۇرىلعانى جونىندە باياندالدى.
مۇنداعى ەڭ باستى جادىگەر – وسمان قۇرانى. ال ونىڭ جان-جاعىندا قۇران سۇرەلەرىنىڭ سانىنا سايكەس 114 ەجەلگى كىتاپ قويىلادى. يسلام وركەنيەتى ورتالىعى 2017 جىلى قۇرىلدى. نەگىزگى ماقساتى – وزبەكستاننىڭ باي مادەني جانە رۋحاني مۇراسىن الەمدىك يسلام وركەنيەتىنىڭ اجىراماس بولىگى رەتىندە ساقتاۋ, تەرەڭ زەرتتەۋ جانە تانىمال ەتۋ.
ايتا كەتەلىك, تاشكەنت قالاسىنداعى حازىرەت يمام كەشەنىنىڭ جانىندا ورنالاسقان ورتالىق عيماراتى 3 قاباتتان تۇرادى. ءبىرىنشى قاباتىندا عىلىمي-زەرتتەۋ ورتالىقتارى, رەستاۆراتسيالاۋ زەرتحانالارى, سيرەك كەزدەسەتىن قولجازبالار قورلارى جانە مۋزەي ەكسپوناتتارى بار. ال ەكىنشى قاباتتا كورمە زالدارى, ونىڭ باستى ەكسپوناتى – بيىكتىگى 64 مەترلىك كۇمبەزدىڭ استىندا ورنالاسقان بىرەگەي ارتەفاكت – وسمان قۇرانى قويىلعان. ءۇشىنشى قاباتتا سيرەك قولجازبالار جانە كىتاپتار جيناعى بار ورتالىقتىڭ عىلىمي بولىمدەرى دە ورنالاسقان.
قازىرگى ۋاقىتتا ورتالىقتا 800-دەن استام جوبالار مەن ۇسىنىستار جيناقتالعان, ولار بويىنشا الەمنىڭ ءار تۇكپىرىنەن كەلگەن جەتەكشى شىعىستانۋشى, ونەرتانۋشى, تاريحشى, تەولوگ, ارحەولوگ, كالليگراف جانە ساراپشى جۇمىس ىستەۋدە. جەرگىلىكتى ساراپشىلار يسلام وركەنيەتى ورتالىعى – جاستارعا, جاڭا وركەنيەتتى جاساۋشىلارعا باعىتتالعان, بولاشاق مىندەتتەرىن بەينەلەيتىن ءورشىل جوبا ەكەنىن, جاڭا تەحنولوگيالاردىڭ كومەگىمەن وتكەندى زەرتتەۋگە مۇمكىندىك بەرەتىنىن ايتادى.
تاشكەنت
