فوتو: police_astana, ينستاگرام
ەر ادام جۇمىسىنان ۋاقىتشا كەتۋ ءۇشىن اكەسىنىڭ قايتىس بولعانىن ايتىپ ءوتىنىش جاساعان. باسشىلىق وعان دەمالىس بەرىپ قانا قويماي, اقشا جيناۋعا دا باستاماشىلىق جاساعان. ءبىر اپتادان كەيىن ول اناسىنىڭ دا قايتىس بولعانىن حابارلاپ, قوسىمشا ماتەريالدىق كومەك الۋدى كوزدەگەن, بىراق ونى جەكە قاجەتتىلىكتەرىنە جۇمساۋدى جوسپارلاعان.
الايدا ارىپتەستەرى تەكسەرمەك بولىپ, ونىڭ اناسىمەن بايلانىسقان. انىقتالعانداي, اناسى ءتىرى جانە دەنساۋلىعى جاقسى بولىپ شىققان. ءسويتىپ, الداۋ فاكتىسى اشكەرەلەنىپ, قىزمەتكەرلەر پوليتسياعا جۇگىنگەن.
«20-دان استام ارىپتەسى كۇدىكتىنىڭ ەسەپ-شوتىنا ءارتۇرلى سومالاردا اقشا اۋدارىپ, جاناشىرلىق تانىتىپ, كومەك كورسەتۋدى قالاعان. «الاياقتىق» بابىمەن قىلمىستىق ءىس قوزعالدى. قازىرگى ۋاقىتتا تەرگەۋ امالدارى جۇرگىزىلىپ جاتىر», دەپ حابارلادى استانا قالاسىنىڭ پوليتسيا دەپارتامەنتى.
