جوبا اياسىندا 20 000 گەكتار جەرگە اۆتوماتتاندىرىلعان سۋارۋ جۇيەلەرى ورناتىلىپ, جۇگەرى, سويا جانە تەحنيكالىق كەنەپ (كونوپليا) وسىرىلەدى. بارلىق اگروتەحنيكالىق ۇدەرىس جاساندى ينتەللەكت پەن تەلەمەتريا جۇيەسى ارقىلى باسقارىلادى. اتالعان كەشەننىڭ جۇمىسىمەن قىزىلوردا وبلىسىنا جاساعان جۇمىس ساپارى كەزىندە مەملەكەت باسشىسى قاسىم-جومارت توقاەۆ تا تانىسىپ شىققان ەدى.
وندىرىستىك كەشەن قۇرامىندا كەنەپ تالشىعىن وڭدەيتىن زاۋىت, ماي ءوندىرۋ تسەحى جانە 100 مىڭ تونناعا دەيىن استىق ساقتايتىن قويما كەشەنى سالىنادى. جوبانىڭ جالپى ينۆەستيتسيا كولەمى – 51 ملرد تەڭگە. بارلىق جۇمىستى 2025-2028 جىلدارى ىسكە اسىرۋ جوسپارلانعان.
بۇل جوبا ەكسپورتقا باعىتتالعان جانە جىل سايىن 70 مىڭ توننا جۇگەرى, 20 مىڭ توننا سويا مەن 42 مىڭ توننا كەنەپ ونىمدەرىن ءوندىرۋدى كوزدەيدى.
ء«بىزدىڭ ماقساتىمىز – تەك شيكىزات ءوندىرۋ ەمەس, تولىق ەكوجۇيە قالىپتاستىرۋ: جەر مەن سۋدان باستاپ, تاۋاردى تولىق وڭدەۋ مەن ەكسپورتقا دەيىن قامتىلادى», دەيدى كومپانيا ديرەكتورى داۋلەت ۋۆاشەۆ.
جوبا ناتيجەسىندە 150-دەن استام جاڭا جۇمىس ورنى اشىلىپ, ءوڭىردىڭ اگروونەركاسىپتىك الەۋەتى ايتارلىقتاي ارتادى.
