بۇل كورسەتكىش ەل ەكونوميكاسىنىڭ تۇراقتى جانە ساپالى وسىمگە باعىت العانىن ايعاقتايدى. ءوسۋ سەرپىنى ونەركاسىپ, قۇرىلىس, اۋىل شارۋاشىلىعى, ساۋدا جانە كولىك سىندى نەگىزگى سالالارداعى وڭ ديناميكا ەسەبىنەن قامتاماسىز ەتىلدى
ماكروەكونوميكالىق زەرتتەۋلەر جانە بولجاۋ ورتالىعىنىڭ جەتەكشى ساراپشىسى نۇرسۇلتان امانتاي مۇنداي ءوسىمنىڭ تۇراقتى ءارى تەڭگەرىمدى سيپات الۋىنا ينۆەستيتسيالاردى ىنتالاندىرۋ جانە كاسىپكەرلىكتى قولداۋ جونىندەگى مەملەكەتتىك باعدارلامالاردىڭ وڭ اسەرىن كورسەتەتىنىن ايتتى.
ۇلتتىق ستاتيستيكا بيۋروسىنىڭ دەرەكتەرىنە سايكەس, 2025 جىلدىڭ قاڭتار-قازان ايلارىندا قازاقستاننىڭ ءجىو ءوسىمى جىلدىق ەسەپپەن 6,4%-دى قۇرادى, بۇل قاڭتار-قىركۇيەك كەزەڭىندەگى دەڭگەيدەن 0,1 پايىزدىق تارماققا جوعارى. ءوسىمنىڭ جەدەلدەۋى ەكونوميكانىڭ نەگىزگى سالالارىنداعى – قۇرىلىس, ساۋدا, اۋىل شارۋاشىلىعى جانە اقپاراتتىق-كوممۋنيكاتسيالىق قىزمەتتەر – كورسەتكىشتەردىڭ جاقسارۋىمەن قامتاماسىز ەتىلدى. مۇنداي ءوسىمنىڭ تۇراقتى ءارى تەڭگەرىمدى سيپات الۋى ينۆەستيتسيالاردى ىنتالاندىرۋ جانە كاسىپكەرلىكتى قولداۋ جونىندەگى مەملەكەتتىك باعدارلامالاردىڭ وڭ اسەرىن كورسەتەدى, – دەدى ساراپشى.
قۇرىلىس سالاسىنداعى ناقتى كولەم يندەكسى 15,1%-دى قۇرادى (وتكەن ايداعى 14,9%-بەن سالىستىرعاندا). ءوسىم ەل بويىنشا جۇزەگە اسىرىلىپ جاتقان ينفراقۇرىلىمدىق جانە تۇرعىن ءۇي جوبالارىمەن بايلانىستى.
ساراپشى بۇل باعىت حالىقتىڭ ءومىر ساپاسىن ارتتىرۋمەن قاتار, قۇرىلىس ماتەريالدارىنا سۇرانىستى جانە وڭدەۋشى ونەركاسىپتىڭ ىلەسپە سالالارىن دامىتۋدى ىنتالاندىرىپ وتىرعانىن ايتتى.
ەكونوميكالىق وسىمگە ەڭ كوپ ۇلەس قوسقان قۇرىلىس سەكتورى بولدى – ناقتى كولەم يندەكسى 115,1%-عا جەتتى. بۇل كورسەتكىش ينفراقۇرىلىمدىق جانە تۇرعىن ءۇي جوبالارىنىڭ بەلسەندى ىسكە اسىرىلۋىمەن بايلانىستى. ساۋدا سالاسى دا ىشكى سۇرانىس پەن تۇتىنۋشىلىق بەلسەندىلىكتىڭ ارتۋىن كورسەتىپ, تۇراقتى ءوسىمدى (109%) ساقتاپ كەلەدى. اۋىل شارۋاشىلىعىنداعى ايتارلىقتاي جەدەلدەۋ (105,4%-عا دەيىن) تەحنيكا پاركىن جاڭارتۋ مەن ونىمدىلىكتى ارتتىرۋعا باعىتتالعان مەملەكەتتىك قولداۋ شارالارىنىڭ ناتيجەسى بولىپ وتىر. اقپارات جانە بايلانىس قىزمەتتەرىنىڭ كولەمىنىڭ 104%-عا ءوسۋى ەكونوميكانىڭ تسيفرلاندىرۋ ۇدەرىسىنىڭ جالعاسىپ جاتقانىن جانە تەلەكوممۋنيكاتسيالىق قىزمەتتەرگە سۇرانىستىڭ ارتىپ كەلە جاتقانىن كورسەتەدى, – دەدى نۇرسۇلتان امانتاي.
ونىڭ ايتۋىنشا, ءجىو ءوسىمىنىڭ قۇرىلىمىندا ءوندىرىس, ينفراقۇرىلىم جانە قىزمەت كورسەتۋ سالالارىنىڭ ۇلەسى تەڭگەرىمدى. بۇل ەكونوميكانىڭ ءبىر باعىتقا تاۋەلدى ەمەستىگىن جانە ءارتاراپتاندىرۋ ساياساتىنىڭ ناقتى ناتيجە بەرىپ جاتقانىن كورسەتەدى.
ەكونوميكانىڭ ساپالى ءوسۋى ۇكىمەت ساياساتىنىڭ تيىمدىلىگىن جانە وڭىرلەردەگى ىسكەرلىك بەلسەندىلىكتىڭ ارتۋىن دالەلدەيدى. ءجىو قۇرىلىمىنداعى وزگەرىستەر ءوسىم كوزدەرىنىڭ ارتاراپتاندىرىلعانىن جانە باسىمدىقتىڭ بىرتىندەپ شيكىزات سەكتورىنان وڭدەۋ مەن قىزمەت كورسەتۋ سالالارىنا اۋىسىپ جاتقانىن ايعاقتايدى. بۇل ءوز كەزەگىندە ۇلتتىق ەكونوميكانىڭ ۇزاق مەرزىمدى تۇراقتىلىعىنىڭ نەگىزىن قالىپتاستىرادى, – دەدى ماكروەكونوميكالىق زەرتتەۋلەر جانە بولجاۋ ورتالىعىنىڭ جەتەكشى ساراپشىسى نۇرسۇلتان امانتاي.
قورىتا ايتقاندا, ۇكىمەت باسىم سالالاردى قولداۋ, ينۆەستيتسيالار تارتۋ جانە جاڭا وندىرىستەردى دامىتۋ ارقىلى ەكونوميكالىق ءوسىمنىڭ ساپاسىن ارتتىرۋعا باعىتتالعان پرەزيدەنت تاپسىرمالارىن جۇيەلى تۇردە ىسكە اسىرۋدا.
قازاقستان ەكونوميكاسىنىڭ 2025 جىلدىڭ 10 ايىنداعى 6,4%-دىق ءوسىمى – بۇل تەك ساندىق كورسەتكىش ەمەس, ساپالى دامۋدىڭ دالەلى.
ونەركاسىپ, اۋىل شارۋاشىلىعى, قۇرىلىس جانە كولىك سىندى سالالاردىڭ ۇيلەسىمدى دامۋى ەلدىڭ ۇزاقمەرزىمدى ەكونوميكالىق تۇراقتىلىعىن قامتاماسىز ەتىپ, جاڭا ينۆەستيتسيالىق مۇمكىندىكتەرگە جول اشىپ وتىر.
