فوتو: istockphoto.com
تاۋارلار ءوندىرىسى 8,2%-عا, قىزمەت كورسەتۋ 5,3%-عا ارتتى.
ءجىو-ءنىڭ وسۋىنە اناعۇرلىم ەڭ كوپ ۇلەستى ونەركاسىپ ء(وسىم 7,3%) سالاسى قوستى, ونىڭ جالپى وسىمدەگى مولشەرى – 30%. ال ساۋدا جانە كولىك سالالارىمەن قوسقاندا 70%-دان اسادى.
وڭدەۋ ونەركاسىبىندە ءوسىم 5,8% بولدى. بۇل جەكەلەگەن باعىتتار بويىنشا ءونىم شىعارۋدىڭ ۇلعايۋى ەسەبىنەن قالىپتاسىپ وتىر.
ولاردىڭ ىشىندە:
- ماشينا جاساۋ – 11,5%-عا,
سونىڭ ىشىندە اۆتوموبيل قۇراستىرۋ - 13,3%-عا,
- حيميا ونەركاسىبى – 10,9%-عا,
- ازىق-ت ۇلىك – 9,1%-عا,
- مۇناي ونىمدەرى – 6,3%-عا,
- مەتالل بۇيىمدارى – 14,1%-عا,
- قۇرىلىس ماتەريالدارى – 5,3%-عا ءوستى.
قۇرىلىس سالاسىندا ءوسىم ءىرى ينفراقۇرىلىمدىق جوبالاردى جۇزەگە اسىرۋمەن بايلانىستى بولىپ وتىر, 2024 جىلعى قاڭتار-قىركۇيەكتەگى 14,9%-بەن سالىستىرعاندا 15,1%-دى قۇرادى.
اۋىل شارۋاشىلىعى سالاسى ماۋسىمدىق ءوسۋ فازاسىنا ەندى. جالپى ءونىم كولەمى قاڭتار-قىركۇيەك ايلارىمەن سالىستىرعاندا 1,0 پ. ت.-عا جەدەلدەپ, 5,4%-عا ارتقان. وسىمدىك شارۋاشىلىعىندا ءوسىم 6,7%-عا, مال شارۋاشىلىعىندا 3,4%-عا جەتكەن. جالپى ءونىمنىڭ ءوسۋى مەملەكەتتىك قولداۋ شارالارىمەن, اگروتەحنولوگيالاردى ساقتاۋمەن جانە ەگىن جيناۋ كەزىندەگى قولايلى اۋا-رايىمەن بايلانىستى بولىپ وتىر. بىرقاتار وڭىردە ءداندى داقىلداردىڭ ونىمدىلىگى ارتتى, ولاردىڭ ىشىندە اقمولا (+13,6%), قوستاناي (+14,9%), پاۆلودار (+7,4%) وبلىستارى بار. ءسۇت ءوندىرىسى 5,2%-عا, ەت ءوندىرىسى 2,8%-عا, جۇمىرتقا ءوندىرىسى 1,4%-عا ءوستى.
ساۋدادا ءوسىم دەڭگەيى 9%-دى قۇرادى. ءوسۋ قارقىنى سالاداعى ۇلەسى 66,5% بولاتىن كوتەرمە ساۋدا كاسىپورىندارىندا بايقالىپ وتىر. اينالىم قاراجاتىنىڭ ۇلعايۋى استانادا جانە پاۆلودار, اتىراۋ وبلىستارىندا تىركەلگەن.
كولىك سالاسىندا دا ءوسىمنىڭ جوعارعى قارقىنى ساقتالىپ وتىر. بارلىق كولىك ءتۇرى بويىنشا تاسىمالدىڭ وسۋىنە بايلانىستى كولىك قىزمەتىنىڭ كولەمى 20,7%-عا ارتقان.
ۇكىمەت باسىم سالالاردى قولداۋعا, ەكونوميكانى ارتاراپتاندىرۋعا جانە ينۆەستيتسيالار تارتۋعا باسا نازار اۋدارا وتىرىپ, ساپالى ەكونوميكالىق ءوسىمدى قامتاماسىز ەتۋگە باعىتتالعان پرەزيدەنت تاپسىرمالارىن ورىنداۋ ءۇشىن جۇمىس ىستەپ جاتىر.
