وقيعا 8 قاراشا كۇنى اتىراۋ–الماتى باعىتىنداعى رەيسكە تىركەۋ كەزىندە بولعان. ەر ادام اۋەجاي قىزمەتكەرلەرىنە قول جۇگىندە بومبا بار ەكەنىن ايتىپ, دۇربەلەڭ تۋدىرعان.
پوليتسيانىڭ كولىكتەگى دەپارتامەنتى ءمالىم ەتكەندەي, بۇل فاكت قر قىلمىستىق كودەكسىنىڭ 273-بابى – «تەرروريزم اكتىسى تۋرالى كورىنەۋ جالعان حابار تاراتۋ» بويىنشا تىركەلگەن.
«قازىر سوتقا دەيىنگى تەرگەۋ باستالدى. قر قىلمىستىق-پروتسەستىك كودەكسىنىڭ 201-بابىنا سايكەس, تەرگەۋ مالىمەتتەرى جاريا ەتىلمەيدى», – دەلىنگەن پوليتسيا حابارلاماسىندا.
اتىراۋ اۋەجايى ەۆاكۋاتسيالانبادى, زارداپ شەككەندەر مەن جاپا شەگۋشىلەر جوق. بارلىق رەيس ءوز كەستەسىنە ساي جۇزەگە اسىرىلىپ جاتىر.
